Руска православна црква во Азербејџан

Митрополитот Платон (Рождественски) на Тбилиси и Баку, и егзарх на Кавказ (1917-1918)

Руската православна црква во Азербејџан — главна заедница на источното православно христијанство во земјата. Поголемиот дел од нејзините членови се етнички Руси од Азербејџан. Целата територија на Азербејџан е под црковна јурисдикција на Руската православна епархија на Баку и Азербејџан, со центар во Црквата Свети Жени Мироносици во Баку. Исто така значајна е и Црквата на Архангел Михаил во Баку.

Историја

Во текот на 19 век, Грузиската егзархија на Руската православна црква ја вклучувала територијата на денешен Азербејџан.

Историски гледано, Азербејџан беше дел од Руската Империја и СССР. Првата Руска православна црква во Баку била изградена во 1815 година, две години по Руско-персиската војна (1804-1813) како резултат на Гулистанскиот договор, според кој Каџарски Иран требаше да даде делови од неговите кавказки територии на Русија, вклучувајќи го и Баку. Руски православни цркви биле изградени во Ганџа и Шамахи пред овој настан. Бидејќи целиот Кавкаски регион беше под руска јурисдикција, надлежноста на Грузиската егзархија беше проширена, опфаќајќи ги и териториите на денешна Грузија, Ерменија и Азербејџан. Во 1905 година, Бакуската епархија, денес позната како Бакуска и Касписка епархија, беше основана.

Во пролетта 1917 година, Грузиската патријаршија беше обновена, но само за грузискиот дел од егзархијата. Руската православна црква и нејзиниот егзарх Платон (Рождествени) ја зачувале јурисдикцијата врз негрузиските делови од кавкаскиот регион и за овие територии Кавкаската егзархија на Руската православна црква беше создадена во летото 1917, со митрополитот Платон на Tbilisi и Баку како егзарх на Кавказ. Во пролетта 1918 година, тој беше наследен од страна на митрополитот Кирил (Смирнов) како нов митрополит на Тбилиси и Баку и егзарх на Кавказ, но по неговиот трансфер на друга област во пролетта 1920 година, друг егзарх не беше назначен.

Во Баку постоеше и Црквата Свети Александар Невски. Во советската област беше извршен прогон на христијаните. Во 1944 година, Руската православна црква беше повторно отворена во Баку. Во 2011 година, црковната јурисдикција на локалната руската епархија (диоцеза) беше прилагодена на политичките граници на Азербејџан и официјалното име беше променето во Руска оравославна епархија на Баку и Азербејџан.

Поврзано

• Христијанство во Азербејџан
• Религија во Азербејџан
• Руска православна црква

Надворешни врски

• Официјално мрежно место на Бакуската епархиска администрација Архивирано на 22 јуни 2012 г.
• Православна енциклопедија
• Древо