Прејди на содржината

Славчо Ковилоски

Од Википедија — слободната енциклопедија

Славчо Ковилоски (Скопје, 1978) — македонски поет, прозаист, книжевен историчар и културолог, научен истражувач во Институтот за македонска литература при Универзитетот „Св. Кирил и Методиј“ во Скопје[1].

Славчо Ковилоски (2016)

Биографија и творештво

[уреди | уреди извор]

Со свои дела е застапен во повеќе списанија во Македонија и во странство, како и во повеќе антологиски избори на поезија и проза. Има преведувано дела од хрватски, бугарски и српски јазик на македонски јазик.Делови од неговото творештво, како и романите „Опасен сум“ и „Синот на Кралот“ и збирката „Лоша тетка и други раскази“ се преведени на неколку европски јазици. Објавувал прилози на страниците на дневните весници Нова Македонија и Време. Бил главен и одговорен уредник на списанието за литература, култура и уметност „Современост“.

Член е на Друштвото на писателите на Македонија (ДПМ), Хрватското книжевно друштво, на Здружението на историчарите на Република Македонија (ЗИРМ) и на Друштвото за наука, култура и уметност од Прилеп. Во 2009 го­ди­на бил уредник на изда­вач­ка­та прог­ра­ма на Аге­н­ци­­јата за иселеништво на Ре­публика Македонија. Во 2017 година бил уредник во издавачката дејност за историски изданија на изда­вач­ката куќа Ма­гор. Бил прет­се­да­тел на уре­ду­­вачкиот одбор на зборникот XXI век: Балканскиот пи­­са­тел (2015) и еден од уредниците на зборникот Ма­кедонско-сло­­вач­ки книжевни, кул­тур­­ни и јазични врски (2016).[2]

Добитник е на повеќе награди, меѓу кои: награда за наука „3 ноември“, „Григор Прличев“ за поема,[3] „Прозни мајстори“[4] и „Јован Котески“[5].

Во 2018 година ја добил најголемата државна награда „Гоце Делчев“ за особено значајно остварување од интерес на Република Македонија од областа на науката, за монографијата „Прилеп и Прилепско во XIX век (културно-историски процеси)“.[6]

Активности

[уреди | уреди извор]

Активно учествува во промовирање на македонската урбаната култура во Македонија и во странство, со предавања на Фи­ло­зоф­скиот фа­култет во Скоп­је, во MC Gallery во Њујорк, Загреб, Нитра (Словачка), Белград, Софија, на Факултетот за музичка уметност во Скопје, на Институтот за македонска книжевност, на ма­ни­фес­та­ци­ја­та „Битола от­ворен град“ во Битола, во Кул­тур­ни­­от центар „Точ­ка“, во Ame­rican Cor­ner во Скопје, во скоп­ските гим­­назии „Јо­­­сип Броз“ и „Ор­це Ни­ко­лов“ и на дру­ги културни ма­ни­фес­та­ции и ус­та­но­­­ви. Од академската 2018/19 година на ИМЛ ги предава предметите: Субкултура, Патопис и Македонски културни икони.

Еден од основачите на организацијата Хип Хоп Македонија. Соавтор е на книгите „Аспекти на македонската урбана култура – Хип Хоп Македонија“, „Хип-хоп книга“ и „Хип-хоп речник“, кои се однесуваат на македонската урбана култура и македонскиот хип-хоп. Како член на музичката група Клан Исток има објавено 3 албуми.[7][8] Ковилоски е режисер и сценарист на музичкиот хип-хоп документарен филм „Њујорк: Аџилак“ од 2020 година, чија светска премиера беше на фестивалот ДОРФ во Хрватска,[9] а македонската премиера на Синедејс во Скопје.[10]

Творештво

[уреди | уреди извор]

Белетристика:[11]

  • Сонцето повторно ќе изгрее, Студентски збор, Скопје, 2000 (поезија)
  • Поезија во движење, Современост, Скопје, 2005 (поезија)
  • Опасен сум, Темплум, Скопје, 2007 (роман)
  • Крале Марко или Синот на Волкашин (монодрама); На Ножот (монодрама), 2010
  • Сонување, Макавеј, Скопје, 2011 (роман)
  • Синот на Кралот, Современост, 2011 (роман)
  • Лоша тетка и други раскази, Македонија презент, Скопје, 2013, (раскази)
  • Барутна поезија, Бран, Струга, 2015 (поезија)
  • Крале Марко по вторпат, НУ Центар за култура "Григор Прличев", Охрид, 2018 (поема)
  • Компјутерска поезија, МИ-АН, Скопје, 2020 (поезија)

Научни дела:

Ковилоски е автор на повеќе научни дела од областа на книжевноста, историјата и културологијата, меѓу кои: Македонското женско творештво во XIX век (монографија), Од Прличев до Конески (студии), Отворени страници (критики и есеи), Прилеп и Прилепско во XIX век (културно историски процеси) (монографија), Деспот Баџовиќ, не­поз­на­ти страници за еден Ма­ке­до­нец (монографија), При­леп­чани - XIX век (енциклопедиски име­­ник), Македонија, крат­ка ен­циклопедија рево­лу­цио­не­ри (енциклопедија), Македонија и Балкан­ски­те војни (монографија) и други.

Надворешни врски

[уреди | уреди извор]

Наводи

[уреди | уреди извор]
  1. ↑ „Славчо Ковилоски“. Блесок. декември 2015. Посетено на 2018. Проверете ги датумските вредности во: |accessdate= (help)[мртва врска]
  2. ↑ „II. Меѓународен научен собир - МАКЕДОНСКО-СЛОВАЧКИ КНИЖЕВНИ, КУЛТУРНИ И ЈАЗИЧНИ ВРСКИ“ (PDF). Архивирано од изворникот (PDF) на 2021-03-29.
  3. ↑ Вечер. „Наградата „Григор Прличев" за „Крале Марко по вторпат" на Ковилоски | Вечер ...1963 | Vecer MK“. Посетено на 2021-02-09.
  4. ↑ „Награда „Прозни мајстори" за Славчо Ковилоски, Гоце Ристовски и Петко Шипинкаровски“. а1он. 13 декември 2013.[мртва врска]
  5. ↑ „Славчо Ковилоски, добитник на наградата „Јован Котески"“. Мета. 21 мај 2015.
  6. ↑ „Наградата „Гоце Делчев" за редок труд за културното богатство на Прилеп - Нова Македонија“. Нова Македонија. 2018-05-05. Посетено на 2018-10-20.
  7. ↑ „„Hip Hop Made in Macedonia" во Њујорк“. skopjeinfo.mk. Посетено на 2019-01-07.
  8. ↑ „„Hip Hop Made in Macedonia" во Њујорк“. Kurir.mk. Архивирано од изворникот на 2018-08-23. Посетено на 2019-01-07.
  9. ↑ „2020DORF-New York – Hodočasništvo – Dorf film festival“ (англиски). Посетено на 2021-02-09.
  10. ↑ „NEW YORK: THE PILGRIMAGE – cinEdays 2020“ (англиски). Архивирано од изворникот на 2021-01-28. Посетено на 2021-02-09.
  11. ↑ Младеноски, Ранко. „Наративните структури во романите на Славчо Ковилоски“.
Преземено од „https://mk.wikipedia.org/w/index.php?title=Славчо_Ковилоски&oldid=5127966“