ФК Стирлинг Македонија

Стирлинг Македонија

Целосно име	Фудбалски клуб Стирлинг Македонија
Основан	1971 (1971)
Стадион	Македонија Парк (Капацитет: 7,000)
Претседател	Лук Павлос
Менаџер	Ијан Фергусон
Лига	Национална Премиер лига на Западна Австралија
2022	3. место
Мреж. место	Службено мрежно место
Домашни бои Гостински бои

Фудбалски клуб Стирлинг Македонија — австралиски фудбалски клуб со седиште во Перт, Западна Австралија, кој се натпреварува во Националната Премиер лига на Западна Австралија. Клубот е основан во 1971 година од страна на македонски доселеници.

Историја

Фудбалскиот клуб Стирлинг Македонија бил основан во 1971 година од страна на македонски доселеници во Западна Австралија. Клубот во својата историја претрпел бројни промени на своето име. Познат како Западен Перт Македонија во текот на 70-те и во раните 80-ти години на минатиот век, клубот ја освоил првенствената титула во неговата трета сезона во националната лига.

Во 1986 година, клубот го променил името во Стирлинг Македонија и започнал своите домашни натпревари да ги игра на стадионот Македонија Парк. За време на 80-те и 90-те години Стирлинг Македонија бил еден од најсилните клубови во Западна Австралија, освојувајќи шест титули во Националната Премиер лига, и тоа три едноподруго во периодот 1983-1985, како и во 1987, 1994 и 1995 година.

Во 1999 година клубот го променил своето име во Стирлинг Лајонс како резултат на националната политика за идентитет на клубови на фудбалската федерација на Австралија, која ги принудила клубовите да ги отстранат етничките референци од нивните имиња.

Во 2019 година фудбалската федерација на Австралија објавила дека ги укинува прописите со кои се ограничуваат етничките обележја на клубовите, и клубот одлучил да го врати своето првично име Стирлинг Македонија. Во својата прва сезона со новото име, во 2021 година, клубот ја освоил првата национална лига и обезбедил промоција во Националната Премиер лига на Западна Австралија.

Надворешни врски

• Официјално мрежно место