Црква „Св. Јован Крстител“ - Древено

Местоположба
Свети Јован Крстител

Поглед на црквата „Св. Јован Крстител“ во селото Древено
македонска православна црква
Епархија	Брегалничка
Архијерејско намесништво	Штипско
Парохија	Злетовска

Координати	41°57′12.4″N 22°14′06.4″E / 41.953444° СГШ; 22.235111° ИГД / 41.953444; 22.235111
Место	Древено
Општина	Пробиштип
Држава	Македонија
Општи податоци
Покровител	Свети Јован Крстител
Завршено	по XVIII век
Живопис	XVIII век
Зограф	Дичо Зограф и непознати автори
Архитектонски опис

Свети Јован Крстител — главна селска црква во селото Древено.^[1] Црквата е сместена во средишниот дел на селото.

Местоположба

Црквата се наоѓа во непосредна близина на регионалниот пат 1309, на влезот од селото од насоката на Злетово.

Историја

Црквата била изградена по XVIII век, а иконите биле изработени во текот на XIX век од страна на Дичо Зограф и непознати автори. Не е познато кога и од кого била осветена.

Архитектура

Градбата е трикорабна и има правоаголна основа. Од западната и јужната страна е доградена припрата, којашто е пониска од градбата на црквата и е покриена со ќерамиди. Главниот влез се наоѓа од западната страна, додека од јужната страна има страничен влез. Над главниот влез има плоча на којашто е испишано името на црквата. На јужниот ѕид, веднаш над припратата има четири прозорци. Ѕидана е од кршен камен и малтер со полутркалезни сводови. Целата градба е обоена во бела боја и е покриена со ќерамиди. На кровот на црквата, веднаш над влезната црква, е поставен крст.

Камбанаријата е сместена зад црквата. Таа има квадратна основа и е изградена од камен. Во горниот дел е отворена од сите четири страни, каде што е сместено ѕвоното. Покриена е со лимен кров. Во дворот на црквата, непосредно од десната страна на камбанаријата е сместена трпезаријата. Дворот на црквата е обележан со камена ограда, којашто околу влезната порта е малтерисана и обоена во бела боја, како и покриена со ќерамиди.

Во внатрешноста на црквата нема фрескоживопис. Меѓу иконите на дрвениот иконостас има една мала икона на која било насликано Вознесението Христово. Не се знае кога оваа икона била изработена, но, врз основа на стилската анализа на Коста Балабанов, се претпоставува дека настанала при крајот на 18 век.

Галерија

Влезната порта од дворот на црквата
Објект до црквата во градба во 2022 г.
Натпис над влезната врата
Камбанаријата на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 28.

Надворешни врски

Црква „Св. Јован Крстител“ - Древено на Ризницата ^?
Информации за црквата Архивирано на 28 август 2016 г. — страница на Брегалничката епархија

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 28.

[1]