Црква „Св. Димитриј“ - Горно Броди
| Свети Димитриј | |
|---|---|
| Αγίου Δημητρίου | |
 Поглед на црквата | |
 | |
| 41°17′35.7″N 23°41′12.9″E / 41.293250° СГШ; 23.686917° ИГД | |
| Место | Горно Броди, Серско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | трикорабна базилика |
| Завршена | 1835 |
| Управа | |
| Архијерејско намесништво | Серско |
| Епархија | Серско-нигритска |
Свети Димитриј (грчки: Ιερός Ναός Αγίου Δημητρίου Άνω Βροντού) — црква во селото Горно Броди, Серско, Егејска Македонија. Влегува во состав на Серско-нигритската епархија на Цариградската патријаршија.[1] Црквата е парохиски храм.
Црквата е изградена во 1835 г. според мермерната плоча, на која се споменати и дарителите Јован, Атанас и Васил. Градбата претставува трикорабна базилика без купола. Има убав резбан иконостас, кој според Димитар Ќорнаков е дело на Макариј Фрчковски.[2] Иконостасот е реставриран во 2008 г.[1]
Васил К’нчов го посетил Горно Броди во 1891 г. и го забележал мермерниот под и квалитетот на резбата во црквата.[3]
Во истата 1891 г. Георги Стрезов напишал дека во обете селски цркви („Св. Димитриј“ и „Св. Богородица“) се служело и на словенски и на грчки.[4]
Во 1894 г. Бугарската егзархија ја добила црквата „Св. Димитриј“, а „Пресв. Богородица“ останала под Цариградската патријаршија сè до нејзиното целосно отфрлање во селото.[5]
Во парохијата влегуваат и храмовите „Св. Варвара“, „Св. Никола“, „Пресв. Богородица Живоносен Извор“ и „Св. Дух“.[1]
Поврзано
[уреди | уреди извор]Наводи
[уреди | уреди извор]- ↑ 1,0 1,1 1,2 „Ιερός Ναός Αγίου Δημητρίου Άνω Βροντού“. Ιερά Μητρόπολη Σερρών και Νιγρίτης. Архивирано од изворникот на 2017-11-15. Посетено на 31 октомври 2014.
- ↑ Ќорнаков, Д. Творештвото на мијачките резбари на Балканот од крајот на XVIII и XIX век. Прилеп, 1986, 182.
- ↑ Кънчов, Васил (1970). Избрани произведения. Том I. София: Наука и изкуство. стр. 181. Посетено на 3 ноември 2014.
- ↑ Стрезов, Георги (1891). „Два санджака отъ Источна Македония“ (PDF). Периодическо списание на Българското книжовно дружество въ Средѣцъ. Средѣцъ: Държавна печатница. Година Седма (XXXVI): 836.
- ↑ Баждаров, Георги (1929). Горно Броди. София. стр. 64. Посетено на 3 ноември 2014.