ആനച്ചുവടി

ഇംഗ്ലീഷ് വിലാസം

https://ml.wikipedia.org/wiki/Prickly_leaved_elephants_foot

ആനച്ചുവടി
ഇന്ത്യയിൽ കാണപ്പെടുന്ന ആനച്ചുവടി
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Asterales
Family:	Asteraceae
Genus:	Elephantopus
Species:	E. scaber
Binomial name
Elephantopus scaber Linn.

നിലം പറ്റി വളരുന്ന ഒരു ഔഷധസസ്യമാണ് ആനച്ചുവടി. ഈ സസ്യം ആനയടിയൻ ആനച്ചുണ്ട എന്നീ പേരുകളിലും അറിയപ്പെടുന്നു. (ഇംഗ്ലീഷ്: prickly leaved elephants foot). ഇതിന്റെ ശാസ്ത്രീയ നാമം എലെഫെൻറോപ്സ് സ്കാബർ എന്നാണ്. ബൊറാജിനേസി സസ്യകുടുംബത്തിലുള്ള ഒനോസ്മ ക്രാറ്റിയേറ്റം എന്ന സസ്യത്തേയും ചിലർ ഗോജിഹ്വാ ആയി കരുതുന്നുണ്ട്. തണലുകളിൽ വളരുന്ന ഈ ചെടി പല അസുഖങ്ങൾക്കും ഒറ്റമൂലിയാണ്. ആഫ്രിക്ക, കിഴക്കൻ ഏഷ്യ, ഇന്ത്യൻ ഉപഭൂഖണ്ഡം, തെക്കുകിഴക്കൻ ഏഷ്യ, ആസ്ട്രേലിയ എന്നിവിടങ്ങളിൽ ഈ സസ്യം കാണുന്നു.

പേരിനു പിന്നിൽ

ആനച്ചുവടിയുടെ പൂവ്

ആനയുടെ പാദം പോലെ ഭൂമിയിൽ പതിഞ്ഞു കിടക്കുന്നതിനാൽ ആനച്ചുവടി (ആനയടിയൻ) എന്ന പേർ ലഭിച്ചു. ഇതേ കാരണത്താൽ തന്നെയാണ് ശാസ്ത്രീയനാമമായ ലത്തീൻ പദവും ഉരുത്തിരിഞ്ഞത്. സംസ്കൃതത്തിൽ ഗോജിഹ്വാ (പശുവിന്റെ നാക്ക് പോലിരിക്കുന്നതിനാൽ), ഗോഭി, ഖരപർണ്ണിനി എന്നും ഹിന്ദിയിൽ ഗോഭി എന്നുമാണ് പേര്. തെലുങ്കിൽ ഹസ്തിശാഖ എന്നും തമിഴിൽ യാനനശ്ശുവടി എന്നുമാണ്.

വിവരണം

നിലം പറ്റി കാണുന്ന ഇലകൾ നീണ്ട അണ്ഡാകൃതിയിൽ ഉള്ളവയാണ്. നിലത്തുള്ള ഇലകളുടെ മദ്ധ്യത്തിൽ നിന്ന് വരുന്ന തണ്ടിൽ കാണുന്ന ഇലകൾ ചെറുതും പത്രവൃന്തം ഇല്ലാത്തവയുമാണ്. പർപ്പിൾ നിറത്തിലുള്ള പൂക്കൾ തണ്ടിന്റെ അറ്റത്തുള്ള പൂങ്കുലകളിൽ വിരിയുന്നു.

രസാദി ഗുണങ്ങൾ

• രസം :മധുരം, തിക്തം
• ഗുണം :ലഘു, സ്നിഗ്ധം
• വീര്യം :ശീതം
• വിപാകം :മധുരം

ഔഷധയോഗ്യ ഭാഗം

സമൂലം

ഉപയോഗങ്ങൾ

• ദഹനവ്യവസ്ഥയെ ശക്തമാക്കുന്ന ഇവ ഭക്ഷ്യയോഗ്യമാണ്- ഇലയുടെ ജ്യൂസ് കഴിക്കാം, ചോറ് വേവിക്കുമ്പോൾ ചേർക്കാം, അടയുണ്ടാക്കാം.
• ഹൃദയം, തലച്ചോറ് എന്നിവയുടെ പ്രവർത്തനങ്ങളെ മെച്ചപ്പെടുത്തുന്നു.
• ഇതിലടങ്ങിയ എലിഫന്റോപ്പിൻ എന്ന ഘടകം മുഴകളെ അലിയിക്കുന്നു.
• മന്ത് രോഗം, പ്രമേഹം, പാമ്പുവിഷം, പനി, മൂത്രക്കടച്ചിൽ, വയറിളക്കം, ഗൊണേറിയ, ശ്വാസകോശ രോഗങ്ങൾ തുടങ്ങിയവയ്ക്ക് ഔഷധമാണ്.മൂലദ്വാര സംബന്ധമായ രോഗങ്ങൾക്ക് ഉത്തമം..

പുറത്തേക്കുള്ള കണ്ണികൾ

• Elephantopus scaber