Варшавын Үндэсний музей

Варшавын Үндэсний музей (польш. Muzeum Narodowe w Warszawie (MNW)) — Польшийн нийслэл Варшав хот дахь, улсын бүртгэлтэй музей юм.

Варшав дахь Үндэсний музей нь Польшийн хамгийн эртний урлагийн музейн нэг юм. 1862 онд Дүрслэх урлагийн музей нэртэйгээр байгуулагдсан түүхтэй боловч төв байр нь сүүлд 1927-1938 онд баригдсан байна. Модернист хэв маягийн барилгыг Тадеуш Толвински зохион бүтээжээ.

Өнөөдөр музейн цуглуулгад эртний үеэс өнөөг хүртэл Польшийн болон дэлхийн урлагийн 830,000 орчим бүтээл багтсан байна. Үүнд уран зураг, уран баримал, зураг, сийлбэр, гэрэл зураг, нумизматик, түүнчлэн хэрэглээний урлаг, дизайны объектууд орно.

Музейн багийнхны хийсэн судалгаа, шинжлэх ухаан, хамгаалах төслүүдийн ачаар бид өдөр бүр цуглуулгынхаа талаар илүү ихийг мэдэж авдаг.

Музейн өөрийн барилга Варшав хотод алее Иерозалимски 3 (польш. Al. Jerozolimskie 3) гэсэн хаягт байрладаг. 1964-1972 онд архитектор Карол Голавски, Стефан Козински нарын зургийн төслөөр барилгын урд талд шинэ хэсгийг нэмж барьсан байна.

Чухал дурсгалт үзмэрүүд

“Сувилагч Кайн нас барагсдын ном” – папирус; Египет, МЭӨ 14-р зууны 2-р хагас,
Египетийн хөшөө (жишээлбэл, Сехмет бурханы хөшөө),
Грек, Латин бичээсүүдийн цуглуулга,
Шүмеруудын үсгээр бичсэн баримт бичиг,
Месопотамийн цилиндрийн лац.

Албан ёсны цахим хуудас: https://www.mnw.art.pl/