လက်ဖက်ရည်

လက်ဖက်ရည်

မြန်မာ့လက်ဖက်ရည်
အဓိကသုံးဆောင်မှု	နံနက်၊ နေ့လယ်ခင်း ၊ညနေ
မူရင်းနိုင်ငံ	မသိရ
အဓိက ပါဝင်ပစ္စည်း	လက်ဖက်အရည်၊ နို့ဆီ၊ နို့စိမ်း၊ နွားနို့
Cookbook: လက်ဖက်ရည်  Media: လက်ဖက်ရည်

လက်ဖက်ရည် ( လ္ဘက်ရည် / tea drink ) ကို လက်ဖက် မှ ပြုလုပ်သည်။ လက်ဖက် အချိုခြောက်ကို ရေနွေးကရားအိုးထဲ ထည့်နှပ်ကာ အဖက်များစစ်၍သော်လည်းကောင်း သို့မဟုတ် ပိတ်ဖြူဖြင့် ထည့်နှပ်ကာ ရလာသည့် အရည်ကို နို့ဆီ၊ နို့စိမ်း၊ နွားနို့ ၊မလိုင် စသည်တို့ဖြင့်ရောကာ ဖျော်ကြသည်။ မြန်မာ့ လက်ဖက်ရည်သည် မြန်မာပြည်ရှိ လူတိုင်းနီးပါးနှင့် ရင်းနှီးနေပြီးသောအရာဖြစ်သည်။ နေရာတိုင်းလိုလိုတွင် လက်ဖက်ရည်ရောင်းသော လက်ဖက်ရည်ဆိုင် ရှိသည်။ လက်ဖက်ရည်ကို ချိုစိမ့်၊ ကျစိမ့်၊ ပေါ့ကျ၊ ပေါ့စိမ့် စသဖြင့် အရသာပေါင်းစပ်နည်းမျိုးစုံဖြင့် သောက်သုံးကြသည်။

လက်ဖက်ရည်နှင့်ကျန်းမာရေး

လက်ဖက်ရည်အား သင့်တင့်မျှတသော ပမာဏ သောက်သုံးပါက အကျိုးအာနိသင်အနေဖြင့် ဦးနှောက် စွမ်းအင်မြင့်စေသည့်အပြင် စိတ်အာရုံစူးစိုက်မှုကိုပါ ကောင်းမွန်စေသည်။သို့သော် လိုသည်ထက်ပို၍ သောက်သုံးလျှင်မူ လက်ဖက်ရည်တွင် ပါဝင်သော ကဖင်းဓာတ်ကြောင့် စွဲလမ်းခြင်းအပြင် ကဖင်းဓာတ်၏ ဘေးထွက်ဆိုးကျိုးများပါ ရနိုင်သည်။

အိပ်ရာမဝင်ခင် ၆နာရီအတွင်း လက်ဖက်ရည်များများ သောက်တတ်သူများသည် အိပ်မပျော်ခြင်းဝေဒနာကို ခံစားရသည်။ ထို့ပြင် တချို့တွင် အိပ်ပျော်ရန်ခက်ခဲခြင်းနှင့်တကွ ကဖင်းဓာတ်ကြောင့် စိတ်လှုပ်ရှားခြင်း၊ ဂနာမငြိမ်ဖြစ်ခြင်းနှင့် အစာအိမ်ဝေဒနာများကိုလည်း ခံစားရသည်။

လက်ဖက်ရည်တစ်ခွက်ကို ၃ကြိမ်မှ ၄ကြိမ် ခွဲ၍ သောက်သုံးခြင်းဖြင့် လည်းကောင်း၊ လက်ဖက်ရည်ကို ခဏတာ နှပ်၍သော်လည်းကောင်း၊ လက်ဖက်ရည်သောက်မည့် ရေနွေး၏အပူချိန်ကို လျှော့၍လည်းကောင်း ကဖင်းဓာတ် ပမာဏကိုလျှော့ချ၍ ရသည်။