Сеидмамедова, Зулейха Габиб гызы

Сеидмамедова, Зулейха Габиб гызы
Сеидмамедова, Зулейха Габиб гызы
	азеринь Züleyxa Mirhəbib qızı Seyidməmmədova
чачома чись	эйзюрковонь 22 чи 1919
Чачома тарка	Баку ош, Азербайджанская Демократическая Республика[d];
Кулома чись	сундерьковонь 10 чи 1994 (75 иеть)
Кулома тарка	Баку ош, Азербайджан Республикась;
Мастор	Азербайджан Республикась; Азербайджанская ССР[d];
Важодема ёрокчизе	вийкирдий-ветий, лётчик, военнослужащий
казнеть ды медальть
	Зулейха Габиб гызы Сеидмамедова

Зулейха Мир-Габиб кызы Сеидмамедова (азерб. Züleyxa Mirhəbib qızı Seyidməmmədova; чачсь эйзюрковонь 22-це чистэ 1919 — 1999) — советской ливтниця-маштыця (лётчик-истребитель), капитанось, 586-цень маштыцянь авиациянь вейсэндявксонь, конась пурназель Марина Раскова эйсэ. парашютонь спортонь тонавтыцясь, Азербайджанской ССРнь социальной тевень министра. Васенце военной ливтниця — азербайджанава.

Эрямозо

Зулейха Сеидмамедова чачсь 22це эйзюрковонь 1919 иестэ [[Баку ошсо]]. Школасо тонавтнесь аванзо марто. Школасо тонавтнемстэ мельзэнзэ тусь авиациянь спортось.

Школань прядомадо мейле кармась тонавтнеме медицинань институтсо. 1934 иестэ сась тунда [[Бакуъъ ошонь аэроклубов, ожоковсто уж ульнесь аэроклубонь пилотокс. Истя Зулейха кармась васенцекс ливтниця азербайджанавакс ды парашютонь спортом инструкторокс. Якшамковонь 21-це чистэ 1936 иестэ Кремлясо ульнесь покш чи, конась алтазель советской властень 15 иень аравтомантень Азербайджансо. Тосо Зулейха Сеидмамедова комсомолкантень макссть «Знак Почета» орденэнть. 1936 иестэ кармась ливтниця инструкторокс Баку ошонь аэроклубсо. 1938 иестэ Зулейха прядызе Азербайджанонь индустриальной институтонть ды кармась инженер-геологокс.

Умарьковонь 1938 иестэ максынзе конёвонзо академияс. Сонзэ нолдызь экзаменэнь сдавамо кода исключения. Экзаменэнь вадрясто сдавамодо мейле кармась тонавтнеме штураманонь факультетсэ. Ацамковонь 1939 иестэ кармась Московонь советэнь депутатокс. Даволковонь 23-це чистэ 1940 иестэ тензэ макссть младший лейтенант лементь.

Ине Войнась

Прявт сёрмадовксось: Ине Войнась

Панжиковонь 1941 иестэ прядызе академиянть ды тензэ макссть штурманонь тев академиянь тонавтницянь ливтнема вейсэндявкссо. Ине Войнань ушодомсто те вейсэндявкссто теезель боевой полк ды полкось совавтозель Московонь ванстома вейсэндявксос. 1941 иень песэ — сон 586-цень маштыцянь тейтерьавань авиавейсэндявкссо штурман. Те вейсэндявкссо Зулейха тури Сталинградсо, Курской дугасосо ды Корсунь-Шевченкань операциясо. Тензэ максозель Ине Войнань 2 степенень орден. Сон тейсь эсь Як-9 самолётсо 500 ламо ливтнемат ды ютавтсь 40 ламо туремат. Войнанть прядызе Бухарестсэ, ульнесь сестэ 586-цень прявтонь заместитель.

Войнадо мелькс шкась

Войнадо мейле велявтсь Баку ошов, косо васня важодсь Баку ошонь партиянь комитетсэ. Таштамковонь 1946 иестэ кочкизь Азербайджанонь ЦК ВЛКСМ секретарекс. Ды важодсь тосо 1951 иень видс. 1947 иестэ кочкизь Азербайджанонь Верце Советэнь депутатокс. 1951 -1974 социальной тевень министра Азербайджанонь ССР-сэ.

Ордент-медальть

Ленинэнь Орден
Кавто Трудовой Якстере Раськекоцтонь орден
Кавто «Знака Почета» ордент
Якстере тештень орден
Ине Войнань 2-це степенень орден

Лецнемазо

«Зулейха» кинось («Менелень ялакст» Назим Рза Исрафилоглунь кинотрилогия )
Göylər Sonsuz Bir Dənizdir. II Film. Züleyxa (1995) кинось

Лисьмапрят