Amt Stotel-Vieland
Dat Amt Stotel-Vieland weer en Verwaltungsrebeed in Bremen-Veern un in dat Königriek Hannover mit Seet in Stotel binnen de Landdrostie Stood. Dor hebbt de Öörd Geestendörp, Wulsdörp, Bramel, Stotel un Ness tohöört.
Historie
[ännern | Bornkood ännern]Dat Rebeed von dat Amt hett bet 1350 to de Herrschop von de Greven von Stotel höört. Nadem de Greev Rudolf III. 1350 ahn Arven doodbleven is, hett dat Stried geven, ’keen nu de Herrschop över Stotel hebben schull. Dat is so utgahn, dat 1365 dat Doomkapittel von dat Arzbisdom Bremen un de Raad von de Stadt Bremen tohoop en Amtmann in Stotel insett hebbt. Dat weer Kersten Nagel.
Nadem de Sweden 1648 dat fröhere Arzstift Bremen övernahmen harrn, hebbt de Sweden dat Amt Stotel 1649 toeerst den königlichen Sekretär Gyldenlöw as Lehn geven un later denn den Landgraaf Friedrich von Hessen-Eschwege. Siene Arven hebbt dat so lang behollen, bet to’n 1. Mai 1726 dat Kurförstendom Hannover dat Lehn gegen 27.000 Rieksdaler inlööst hett. Würklich övergeven worrn is dat Amt denn an’n 16. Mai 1726. Kommissarsch hebbt Johann Balthasar Pott (Amtmann in dat Amt Hagen), Samuel von Hadorff (Amtmann in dat Amt Bremervöör) un de Drost von Issendörp de Verwaltung övernahmen.
1779 sünd de Ämter Stotel un Vieland tohoopleggt worrn.
In de Franzosentied von 1810 bet 1813 weer Stotel Deel von de Mairie Stotel in’n Kanton Bremerleh.
De Kriminalgerichtsborkeit för dat Amt Stotel-Vieland hett dat Amt Hagen an’n 1. Januar 1831 övernahmen.[1]
Korte Tied later, to’n 1. Juli 1831, is dat Amt Stotel-Vieland oplööst worrn un hett denn tohoop mit dat Gericht Leh dat ne’e Amt Leh billt. Blots Holt is Deel von dat Amt Hagen worrn.
Inwahnertall
[ännern | Bornkood ännern]| Johr | Inwahners |
|---|---|
| 1810[2] | 1.232 Lüüd, 273 Füürsteden |
Amtlüüd
[ännern | Bornkood ännern]Stotel: [3]
- 1726–: Drost von Issendörp
- –1748: Christian Wilhelm Schönezahl
- 1748–1777: Siegmund Friedrich Cordemann
- 1777–1779: nüms
Stotel-Vieland:
- 1779–1798: Georg Ludwig von Reiche
- 1798–1819: Burghard Johann Georg Schade
- 1825–1832: Wilhelm Jordan
Amtsschrievers
[ännern | Bornkood ännern]- ~1779: Johann Friederich Dietrichs
- ~1790: Johann Ludewig Isenbart
- 1791–1795: Conrad August Scharf
Footnoten
[ännern | Bornkood ännern]- ↑ Juristische Zeitung für das Königreich Hannover. Band 6, 1831, Sied 97
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
- ↑ http://www.ewetel.net/~erikafrerichs/Chronologie.pdf
