Bargbeekaante
| Bargbeekaante, Stroomaante | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Systematik | ||||||||||||||
| ||||||||||||||
| Wetenschoplich Naam | ||||||||||||||
| Merganetta armata | ||||||||||||||
| Gould, 1842 |
De Bargbeekaante oder Stroomaante (Merganetta armata) is en Vagel ut den Tribus Merganettini. In düssen Tribus höört se to dat Geslecht Merganetta. Hüdigendags jedenfalls gift dat keen annere Aart ut düt Geslecht. Forschers hefft sik dor noch over in de Plünnen, of düsse Aart ehrder to de Aanten (Swemmaanten) oder to de Halfgöse rekent weern mutt. In’n Momang sütt dat avers so ut, as weer se to de Halfgöse to tellen.
Kennteken
[ännern | Bornkood ännern]De Bargbeekaante is en beten grötter, as en Krecke. Dat Lief warrt 43 – 46 cm lang un wiggt 315-440 Gramm. Dat Lief hett Stroomlienenform un is slank. Dat Fedderkleed vun de utwussen Bargbeekaanten verscheelt sik bannig je na de Unneraard, to de se tohören doot. De Waart hett jummers en witten Kopp mit en swatten Ogenstriepen un en Striepen over den Kopp un en roden Snavel. De Aanten sünd wat lüttjer, hefft en dunkern Kopp un ok en roden Snavel. Se sünd tomeist bruun.
Wie se leven deit
[ännern | Bornkood ännern]De Bargbeekaante kann bannig goot swemmen un leevt vun warvellose Deerter, de in Bargbeeken vörkaamt, as Sniggen un Insektenlarven. De kriggt se tofaat, wenn se in dat bannig gaue Water dükern un grunneln deit.
Wo se vörkamen un wo se leven deit
[ännern | Bornkood ännern]De Bargbeekaante kummt vör in de Anden in Süüdamerika vun Kolumbien bit hen na den Süden vun Chile. Se hollt sik dor up in de Gemarken vun Bargbeeken un lüttje Ströme, de gau fleten doot. Bröden deit se in Kuhlen un Höhlen in en Hööchde vun 1.200 bit 4.500 Meter over NN, je mehr na Süden to, je leeger.
De Aart hett sess Unneraarden:
- Merganetta armata colombiana: vun dat westliche Venezuela un dat nöördliche Kolumbien bit hen na zentral Equador.
- Merganetta armata leucogenis: In’n Norden vun Peru.
- Merganetta armata turneri: In’n Süden vun Peru un in’n Norden vun Chile.
- Merganetta armata garleppi: In’n Norden vun Bolivien.
- Merganetta armata berlepschi: In’n Süden vun Bolivien un in’n Noordwesten vun Argentinien.
- Merganetta armata armata: In’n Westen vun Argentinien un in Chile.
Status
[ännern | Bornkood ännern]Dat is nich bekannt, wie veel vun düsse Bargbeekaanten dat hüdigendags gifft, man dat gifft Henwiese, dat de Tahl achterutlopen deit. Man vunwegen dat unbannig grote Rbeed, wo se in vörkamen deit, is nich antonehmen, datt düsse Aart in Gefohr is, ut to starven. Dorüm steiht se in den IUCN siene Rode List unner „Gor keen Sorgen“.