Black Hawk (Hööftling)

Black Hawk (* 1767 in Sac Village, Rock River, Illinois; † 3. Oktober 1838; Sauk Makataimeshekiakiak, Swaart Falke) weer en Hööftling vun de Sauk- un Fox-Indianer.

Leven

Ungefähr 1788 is Black Hawk sien Vader as Hööftling nahfolgt; As de Sauk un Fox 1804 hör Land an de USA aftreeden deen, hett he sück dorgegen utspraaken, wiel de Hööftlingen duun ween weern un vun de Amerikaner över den Inholt vun den Verdrag täuscht wurrn weern. Black Hawk hett an den britisch-amerikaanschen Krieg vun 1812 up britisch Siet deelnommen un wurr dorbi to’n „brevet Brigadier General“ (General ehrenhalber) nömmt.

As in den 1820er Johren de Umsiedlung vun de Sauk un Fox up de anner Siet vun den Mississippi anfung, hett he sück mit de Begrünnen wiegert, dat de Verdrag dat den Sauk un Fox erlooven dee, in hör Land to blieven, so lang dat in den Besitt vun de amerikaansch Regeeren weer. Wiel noch nich dat gesamte Land an de Siedler verköfft weer, kunn he so lang blieven. Dat weer de Grund för den Black-Hawk-Krieg in dat Johr 1832. An’t Enn muss sück Black Hawk an’n 27. August 1832 ergeeven un wurr fangen nommen, aber nah etwa een Johr weer freelaaten.

Ut de dorup folgend Verhanneln keem dat to’n Verkoop vun dat Land. Ofschons Black Hawk doran nich bedeeligt weer, wurr disse Hannel Black-Hawk-Purchase nömmt.

Nah Black Hawk sünd ok dat Black Hawk County, Iowa, de Black Hawk Bridge över den Mississippi tüschen Iowa un Wisconsin, en Prototyp vun en US-amerikaansch Kamphubschruuver, de Sikorsky S-67, en Variante vun den militärischen Mehrzweckhubschruuver Sikorsky UH-60 un dat Team vun de amerikaansch Profi-Ieshockeyliga NHL, de Chicago Blackhawks, nömmt, as ok in de Basketballliga NBA de Vörgänger vun de Atlanta Hawks, de Tri-Cities Blackhawks.

Literatur

Ernie Hearting: Schwarzer Falke (Black Hawk). Die Geschichte eines Häuptlings der Sauk. Waldstatt Verlag, Einsiedeln, 1960

Weblinks

Autobiografie (engelsch), kann aber in Düütschland nich afropen wurrn