Jeffrey Jones

Jeffrey Duncan Jones (* 28. September 1946 in Buffalo, New York) is en US-amerikaanschen Schauspeler.

Biografie

Jones hett an de Lawrence University studeert. As he in’t Johr 1967 bi en Opföhren vun de Laientheatergrupp an de Universität mitmaakt hett, is Tyrone Guthrie op em opmarksom worrn un hett em en Steed an’t Guthrie Theatre in Minneapolis anboden. Vun 1969 bit 1973 hett Jones an de London Academy of Dramatic Art studeert. 1974 kreeg he en Anstellen an’t Actors Theatre of Louisville.

Sien eerste Filmrull harr he al 1970 an de Siet vun Jon Voight, Seymour Cassel un Robert Duvall in dat Filmdrama The Revolutionary. för sien Rull in den Film Amadeus vun 1984 is he för’n Golden Globe vörslahn worrn. Bit 2007 hett he in mehr as 60 Filmen mitspeelt.

In’t Johr 2003 is Jones fastnahmen worrn, vun wegen dat he Kinnerpornografie in sien Besitt hebben un Naaktbiller vun en 14-johrigen Jungen maakt hebben schüll. In’n Juli 2004 is he noch mol wedder fastnahmen worrn – ditmol harr he bi de Polizei nich mellt, dat he ümtogen weer.

Vun 2004 bit 2006 hett Jones in de Feernsehreeg Deadwood mitspeelt. För disse Rull hett he en Nomineeren för den Dorstellerpries vun de Screen Actors Guild Awards kregen.

Filmografie (Utwahl)

Johr	Titel	Synchroonsnacker
1970	The Revolutionary
1978	Interrogation in Budapest, Feernsehn
1983	Easy Money dt.: Monty, der Millionenerbe	Tonio von der Meden
1984	Amadeus	Peter Matic
1985	Transylvania 6-5000	Klaus Guth
1986	If Tomorrow Comes, Feernseh-Minireeg dt.: Rache ist ein süßes Wort
1986	Ferris Bueller’s Day Off dt.: Ferris macht blau	Norbert Gescher
1986	Howard the Duck dt.: Howard – Ein tierischer Held	Engelbert von Nordhausen
1986	George Washington II: The Forging of a Nation, Feernsehn
1988	Beetle Juice dt.: Beetlejuice	Knut Reschke
1988	Without a Clue dt.: Genie und Schnauze	Andreas Thieck
1898	Who’s Harry Crumb? dt.: Wer ist Harry Crumb?	Jürgen Kluckert
1989	Valmont	Hans-Werner Bussinger
1990	The Hunt for Red October dt.: Jagd auf Roter Oktober	Joachim Kerzel
1992	Mom and Dad Save the World dt.: Mom und Dad retten die Welt	Randolf Kronberg
1992	Out on a Limb dt.: Ein Yuppie steht im Wald	Hans-Werner Bussinger
1994	Ed Wood	Peer Augustinski
1996	The Crucible dt.: Hexenjagd	Lothar Blumhagen
1997	The Devil’s Advocate dt.: Im Auftrag des Teufels	Klaus Sonnenschein
1997	The Pest dt.: Jagd auf das Chamäleon	Michael Telloke
1999	Ravenous dt.: Ravenous – Friß oder stirb	Roland Hemmo
1999	Sleepy Hollow dt.: Sleepy Hollow – Köpfe werden rollen	Ernst Meincke
2000	Company Man dt.: Cuba Libre – Dümmer als die CIA erlaubt	Klaus Sonnenschein
2001	Heartbreakers dt.: Heartbreakers – Achtung:Scharfe Kurven!	Reinhard Brock
2001	Dr. Dolittle 2	Klaus Sonnenschein
2001	How High dt.: So High	Wolfgang Völz
2004-06	Deadwood, Feernsehreeg	Jürgen Kluckert
2007	Who’s Your Caddy
2012	Hemingway & Gellhorn, Feernsehn	Uli Krohm
2014	10.0 Earthquake	Eberhard Haar

Websteden

• Jeffrey Jones in de Internet Movie Database (engelsch)