Ottawa
Dit Woort hett noch annere Bedüden: kiek dorför ünner Ottawa (Mehrdüdig Begreep).
| Wapen/Flagg | Koort | |
|---|---|---|
|
|
| |
| Basisdaten | ||
|
Ontario | ||
| Flach: | 2.778,64 km² | |
| Inwahners: | 1.017.449 | |
| Inwahnerdicht: | 366,2 Inwahners pro km² | |
| Postleettall: | K0A, K1A-K4C | |
| Vörwahl: | 613, 343 | |
| Geograafsche Laag: | Koordinaten:45° 25′ N, 75° 42′ O45° 25′ N, 75° 42′ O | |
| Grenzen bi OSM: | 4136816 
| |
| Börgermeester: | Mark Sutcliffe | |
| Websteed: | https://ottawa.ca | |
 | ||
Ottawa [ˈɑːtəwə] is de Hööftstadt vun Kanada. Se liggt in de ööstlich Deel vun de Provinz Provinz Ontario an de Stroom Ottawa, glieks an de Grenz to de Provinz Québec. Up de anner Siet vun de Stroom liggt de Stadt Gatineau. Ofschoons Ottawa sülvst blots 812.916 Inwahner up en Flach vun 2778,64 km² hett (Stand: 2006) is dat Rebeet Ottawa-Gatineau mit 1.142.700 Inwahner (is 2004 tellt wurrn) de veertgröttste Ballungsruum in Kanada. De Stadt Ottawa liggt etwa up de glieker Breedengrad as Bordeaux (Frankriek) un Venedig (Italien).
De Bevölkerung vun Stadt Ottawa is to 50 % engelsch un to 32 % franzöösch-spraakig. Wiel dor aber ok völ Inwannerer sünd, gifft dat dor noch mennig anner Spraaken. Ottawa is offiziell de eenzigst tweespraakig Stadt in Kanada. In Ottawa wurrd aber mehr engelsch snackt, in Gatineau dorgegen mehr franzöösch. De meest Inwahner könnt aber beid Spraaken.
Historie
[ännern | Bornkood ännern]Ottawa is 1827 grünnd wurrn un hett eerst bit 1854 Bytown heeten, nömmt nah Colonel John By, de de Bu vun de Verbindungskanal tüschen de Ottawa-Stroom un de Rideau-River leidt hett.
An’ 31. Dezember 1857 wurr Königin Victoria upfordert, en Hööftstadt för Kanada uttosöken un se hett Ottawa wählt. Um de Utwahl ranken sück mehr Legenden. Dat wurrd seggt, dat se en Hootnadel up en Landkoort tüschen de Städer Toronto un Montreal staken hett un dor weer de nächste Stadt denn Ottawa. Bewiest is dat aber nich.
Tatsächlich is Ottawa woll dorum utsöcht wurrn, weil de domols unbedüüdend Stadt jüst up Spraakgrenz liggen de un beid Bevölkerungsdeelen sück dormit woll anfrünnen kunnen. Up de anner Siet weer so en lütten Stadt wohrschienlich bi en Krieg mit de USA woll weniger das Ziel as to’n Bispeel Toronto, worum se sück to de Tiet grad strieden deen.
Geografie
[ännern | Bornkood ännern]
Ottawa liggt an dar süüdlich Ufer vun de Ottawa-Stroom an de Münnen vun Rideau-Kanal, Rideau River un Rivière Gatineau. De oldest Deelen vun de Stadt Lower Town befinnen sück in dat Rebeet tüschen Rideau-Kanal un Rideau River. An dat tegenöverliggend Ufer vun de Kanal finnd man Centre Town, da finanzielle un kommerzielle Zentrum vun de Stadt. Tüschen Stadtzentrum un de Ottawa-Stroom liggt dat Regeerensviertel vun de kanaadsch Bundsregeeren, Parliament Hill.
Attraktschoonen
[ännern | Bornkood ännern]
Besünners antokieken is dat Regeerensviertel, wo de Hüüs in Anlehnung an de Regeerensbowarken in London tekent un makt wurrn sünd. De Basilika Notre-Dame d'Ottawa is de oldste Kark in Ottawa un Seet vun de Arzbischop. De Rideau-Kanal wurrd in de Wintermaanten to de längste Schöfelstreck up de Eer (ruch weg 8 km lang).