Simultanopfaten
As Simultanopfaten betekent de Wetenschaplers dat Vermögen, de Antall vun mehrere Dingen optofaten, ahn de aftellen to möten. Bi utwassen Lüüd liggt de Bövergrenz för dit "Op-en-Blick-opfaten" bi wat veer bet fief Objekten.
Welke Lehrpsychologen seggt, dat dör Training dit Vermögen op acht un mehr Objekten stiegert warrn künn. De Fraag is, wat sik dat dorbi wirklich üm originäre Simultanwohrnehmung hannelt oder of nich vun struktureerten Mehrfachanorrnen vun wohrnahmen Mustern snackt warrn müss.
En in dissen Betog angeevliche "defizitäre Simultanwohrnahmen" kann nich as Grund för en Dyskalkulie (Rekenswääk) gellen. Wedderopfatenstrainings föhrt faken - as intendeert - to högere Drapensquoten, ahn dat dorbi jichtenseen begreeplichet Lehren in Betog op Mengen oder Tallen stattfinnt. Butendem is en slechte Simultanwohrnahmen ok bi Kinners mit godet mathemaatschet Verstännis antodrapen.