Sluss (Logik)
En Sluss oder Konklusion faat tohopen, wat in en Argumentation vorweg tosamenkamen weer. En schriftlich Nadenken, en Essay oder wetenschoppliche Literatur warrt meist afslaten mit en Sluss. Dor warrt dat, wat vordem besnackt wurrn is, in’n Karn noch mol tohopenfaat, de verscheden Argumente weert een mit dat annere vergleken un tolest warrt en Standpunkt innahmen.
In de wetenschoppliche Logik hett de Sluss en annern Charakter, mehr na de Form hen. Hier is de Sluss en Utsaag, de logisch afleddt is ut Prämissen un de faken mit „also“ anfungen weern kann. De Sluss vun en Syllogismus is en Bispeel vun so en Sluss:
- Wenn A wohr is, denn is B nich wohr.
- A is wohr.
- Also is B nich wohr.