Stephen Collins

Stephen Weaver Collins (* 1. Oktober 1947 in Des Moines, Iowa) is en US-amerikaanschen Schauspeler, Speelbaas un Schriever. He is sünners as Paster Eric Camden in de Feernsehreeg 7th Heaven bekannt.

Leven

Stephen Collins is in Des Moines as Söhn vun Cyrus un Madeline Collins boren worrn. De eersten söss Maanden na de Geboort hett de Famili in Peru leevt, dorna sünd de Öllern na Hastings-on-Hudson, in’n Bundsstaat New York, ümtogen. Dor is Collins opwassen. He hett an’t renommeerte Liberal-Arts-College Amherst studeert. Dor is he in de Theatergrupp ringahn, woneem he eerste Insichten in de Schauspeleree kregen hett. Sien eerst Stück weer Murder in the Cathedral vun T. S. Eliot. 1969 hett Collins bi’t New York Shakespeare Festival de Rull Valentine in dat Stück Twelfth Night, or What You Will speelt. Korte Tiet later hett he in New York en Verdrag as Schauspeler ünnerschreven.

Anfangs hett Collins an Theaters arbeit un stünn denn an de Siet vun Burt Reynolds in de Reeg Dan August to’n eersten mol vör de Kamera. Sien eerste Speelfilm weer 1976 All the President’s Men, in den he en lütte Rull an de Siet vun Dustin Hoffman un Robert Redford speelt hett. Dorna harr he eenige Gastrullen in Feernsehregen as to’n Bispeel bi The Waltons un lüttere Speelfilmrullen as in Star Trek: The Motion Picture. 1981/82 speel Collins Jake Cutter in Tales of The Gold Monkey, un harr dormit to’n eersten mol en duerhafte Rull in en Feernsehreeg. Dorna harr he Hööftrullen in de Regen Tattingers (1987–1988), Working it Out (1990–1991) un Sisters (1995–1996). Butendem weer he in tallrieke Kino- un Feernsehfilmen to sehn, ü. a. in Jumpin’ Jack Flash oder The First Wives Club. Tosamen hett he in mehr as 60 Produkschonen mitspeelt.

1996 bit 2007 speel he in de Feernsehreeg 7th Heaven den Paster Reverend Eric Camden. Collins hett bi dree Folgen sülvst de Regie föhrt. As Speelbaas arbeit he al siet 1992, as he dat Musical The Old Boy leiden de. Butendem hett Collins bit hüüt twee Romanen schreven. De eerste dorvun, Eye Contact kemm 1994 rut un is en Bestseller worrn. An dissen Spood künn sien tweet Wark Double Exposure (1998) nich rankamen.

Collins is siet 1985 mit Faye Grant verheiraadt un hett en Dochter. Sien Religionstohöörigkeit is episkopaalsch.

Filmografie (Utwahl)

Johr	Titel	Funkschoon	Synchroonsnacker
1974	The Michele Lee Show, Feernsehn	Schauspeler
1976	Brinks: The Great Robbery dt.: Kleine Gangster – große Beute	Schauspeler
1976	All the President’s Men dt.: Die Unbestechlichen	Schauspeler	Thomas Danneberg
1977	The Rhinemann Exchange, Feernseh-Minireeg dt.: Zwischen den Fronten	Schauspeler
1977	Between the Lines	Schauspeler
1978	Fedora	Schauspeler	Norbert Langer
1979	Star Trek: The Motion Picture dt.: Star Trek: Der Film	Schauspeler	Frank Glaubrecht Bernd Vollbrecht (ne’e Szenen)
1979	The Promise	Schauspeler
1980	Loving Couples dt.: Ein Walzer vor dem Frühstück	Schauspeler
1981	Summer Solstice, Feernsehn	Schauspeler
1982-83	Tales of the Gold Monkey, Feernsehreeg dt.: Die Himmelhunde von Boragora	Schauspeler	Volker Kraeft
1984	Dark Mirror, Feernsehn	Schauspeler
1984	Threesome, Feernsehn	Schauspeler
1985	Brewster’s Millions dt.: Zum Teufel mit den Kohlen	Schauspeler	Henry König
1986	Choke Canyon dt.: Der einsame Kämpfer	Schauspeler
1986	Jumpin’ Jack Flash	Schauspeler	Thomas Danneberg
1988	Weekend War, Feernsehn	Schauspeler
1988-89	Tattingers, Feernsehreeg dt.: Die Tattingers	Schauspeler	Joachim Tennstedt
1990	Stella	Schauspeler	Martin Schmitz
1991	A Woman Namend Jackie, Feernseh-Minireeg dt.: Das Schicksal der Jackie O.	Schauspeler
1992	A Woman Scorned: The Betty Broderick Story, Feernsehn dt.: Bis daß ein Mörder uns scheidet	Schauspeler
1992	My New Gun	Schauspeler
1993	The Disappearance of Nora, Feernsehn dt.: Bin ich eine Mörderin?	Schauspeler
1994	Scarlett, Feernseh-Minireeg	Schauspeler	Wolfgang Condrus
1995	A Family Divided, Feernsehn dt.: Blutiges Familiengeheimnis	Schauspeler
1996	For Love Alone: The Ivana Trump Story, Feernsehn	Schauspeler
1996	The Babysitter’s Seduction, Feernsehn dt.: Teuflische Versuchung	Schauspeler
1996	The First Wives Club dt.: Der Club der Teufelinnen	Schauspeler	K. Dieter Klebsch
1996	An Unexpected Family, Feernsehn dt.: Eine Familie zum Verlieben	Schauspeler
1996-2007	Eine himmlische Familie dt.: 7th Heaven	Schauspeler Speelbaas (3 Folgen)	Detlef Bierstedt
1998	An Unexpected Life, Feernsehn	Schauspeler
1999	Drive Me Crazy	Schauspeler	Detlef Bierstedt
1999	As Time Runs Out, Feernsehn dt.: Tödlicher Countdown	Schauspeler
2006	Blood Diamond	Schauspeler	K. Dieter Klebsch
2006-07	It’s Always Sunny in Philadelphia, Feernsehfolgen	Schauspeler	Detlef Bierstedt
2007	Because I Said So dt.: Von Frau zu Frau	Schauspeler	K. Dieter Klebsch
2008	Every Second Counts, Feernsehn	Schauspeler
2010-11	No Ordinary Family, Feernsehreeg dt.: My Superhero Family	Schauspeler	Michael Schwarzmaier
2012	The Three Stooges dt.: Die Stooges - Drei Vollpfosten drehen ab	Schauspeler	Detlef Bierstedt
2013-14	Revolution, Feernsehreeg	Schauspeler	Christoph Jablonka

Böker

• 1994: Eye Contact (ISBN 978-0340623145)
• 1998: Double Exposure (ISBN 978-0380732326)

Utteken

Collins weer für sien Rullen fiefmol för Filmpriesen vörslahn. Wunnen hett he dorvun een, neemlich 1996 den NBR Award in de Kategorie Ensemblepries för den Film The First Wives Club.

Weblenken

• Stephen Collins in de Internet Movie Database (engelsch)
• offizielle Homepage