Bellyelva

	Bellyelva
	elv
	; Bellyelva; 49°46′08″N 113°02′10″W / 49.768888888889°N 113.03611111111°W
	Wikimedia Commons: Belly River

Belly River, eller Bellyelva, er ei elv i Nordvest-Montana i USA og Sør-Alberta i Canada. Ho er ei bielv til Oldman-elva, som sjølv er ei bielv til South Saskatchewan-elva.

Namnet på elva kan koma frå blackfoot-ordet mokowan, frå mokoan, som tyder 'mage'. Elva blei tidlegare kalla Mokowan River.^[1] Gros ventre-namnet er ʔinɔ́tɔnníícááh, som også tyder 'mageelv'.

Elva har gjeve namn til Belly River Formation frå krittida, som blei observert ved breidda hennar av George Mercer Dawson i 1883.^[2]

Løp

Belly River spring ut i Nordvest-Montana ved Helen Lake, nær foten til Ahern Peak i Glacier National Park. Ho renn mot nord over 49. nordlege breiddegrad inn i Alberta nær Chief Mountain, aust for Waterton Lakes nasjonalpark. Ho fortset mot nord, blir kryssa av Highway 6 og Highway 5, og renn nær busetnadane Hill Spring og Glenwood, før ho renn mot nordaust. Ho blir kryssa av Highway 2 nord for Stand Off, og fortset mot nord langs botnen av Mokowan Ridge, der ho tek imot vatn frå Waterton River. Ho byrjar å renna i meandrar før ho vender mot aust rundt Wild Turnip Hill, før ho renn ut i Oldman River vest for Coalhurst, sør for Highway 3, i ei høgd på 875 meter (2 871 ft).

Bielver

Frå utspringet til munningen renn desse elvene ut i Belly River:

North Belly River
Mami Creek
Dipping Vat Lake
Bullhorn Coulee
Layton Creek
Waterton River
McNab Coulee

Kjelder

↑ Geographical Names of Alberta. «Belly River». Arkivert frå originalen 6. juli 2011. Henta 22. mars 2009.
↑ Dawson, G.M., 1883. Preliminary report on the geology of the Bow and Belly river region, Northwest Territory, with special reference to the coal deposits. Geological Survey of Canada, Report of Progress for 1880-81-82, Part B.

Denne artikkelen bygger på «Belly River» frå Wikipedia på engelsk, den 21. april 2023.

[1] Geographical Names of Alberta. «Belly River». Arkivert frå originalen 6. juli 2011. Henta 22. mars 2009.

[2] Dawson, G.M., 1883. Preliminary report on the geology of the Bow and Belly river region, Northwest Territory, with special reference to the coal deposits. Geological Survey of Canada, Report of Progress for 1880-81-82, Part B.

[1]

[2]