Chris Dreja
| Chris Dreja | |||
 Chris Dreja (høgre) og Ben King i Basingstoke 2008 | |||
| Fødd | 11. november 1945 (79 år) | ||
|---|---|---|---|
| Fødestad | Surbiton, Surrey, England | ||
| Fødenamn | Christopher Walenty Dreja | ||
| Opphav | Storbritannia | ||
| Aktiv | 1963–2013 | ||
| Sjanger | Bluesrock, rock | ||
| Instrument | Gitar, bass, klaverinstrument | ||
| Tilknytte artistar | The Yardbirds, Box of Frogs | ||
| Verka som | Musikar | ||
Christopher Walenty Dreja[1] (fødd 11. november 1945)[2][3] er ein engelsk musikar, mest kjend som rytmegitarist og bassist for The Yardbirds.
Karriere
[endre | endre wikiteksten]Faren var av polsk opphav, medan Dreja var fødd i Surbiton, og voks opp i Kingston upon Thames i Surrey.[2] Han og broren Stefan Dreja møtte tilfeldigvis Top Topham. Tophan og Dreja var inspirert av vise- og bluesgitaristen Gerry Lochran som byta frå akustisk til elektrisk gitar. Dei debuterte med dei elektriske gitarane sine på ein konsert med Duster Bennett og ein ung Jimmy Page.[2]
Dreja og Topham vart medlemmar i Metropolitan (eller Metropolis) Blues Quartet. I løpet av eitt år hadde Keith Relf, Jim McCarty og Paul Samwell-Smith kome med i bandet, som skifta namn til The Yardbirds. Den då 15 år gamle Topham slutta i gruppa då dei vart profesjonelle, men Dreja fortsette å spele rytmegitar med musikarar som Eric Clapton og sidan Jeff Beck.[2]
Dreja byta frå rytmegitar til bassgitar då den opphavlege bassisten, Paul Samwell-Smith, slutta. Dreja var medlåtskrivar på fleire av Yardbirds-songane, særleg dei på albumet Roger the Engineer.[2]
Etter at Yardbirds vart oppløyst, tilbaud Page Dreja om å bli bassist i det nye bandet han skulle starte (som vart Led Zeppelin). Dreja avslo tilbodet for å bli fotograf. Han fotograferte Led Zeppelin for baksida av debutalbumet deira.[2]
Dreja spelte i bandet Box of Frogs i lag med andre Yardbirds-medlemmar i 1980-åra.
I 2012 og 2013 fekk Dreja ei rekkje slag og har ikkje spelt musikk sidan då.[4]
Kjelder
[endre | endre wikiteksten]- Denne artikkelen bygger på «Chris Dreja» frå Wikipedia på engelsk, den 31. mars 2018.
- Wikipedia på engelsk oppgav desse kjeldene:
- ↑ arkivkopi, arkivert frå originalen 8. mars 2019, henta 31. mars 2018
- ↑ 2,0 2,1 2,2 2,3 2,4 2,5 Unterberger, Richie (11. november 1945). «biography by Richie Unterberger & Bruce Eder». Allmusic.com. Henta 31. mars 2018.
- ↑ http://search.findmypast.co.uk/results/world-records/england-and-wales-births-1837-2006?firstname=christopher%20&lastname=dreja
- ↑ «Topham Replaces Dreja in Yardbirds | Vintage Guitar® magazine». Vintageguitar.com. 10. juli 2013. Henta 31. mars 2018.