Don't Let Me Be Lonely Tonight

Don't Let Me Be Lonely Tonight Singel av James Taylor frå albumet One Man Dog
B-side	Woh, Don't You Know
Utgjeve	November 1972
Sjanger	Folkrock
Lengd	2:34
Selskap	Warner Bros.
Låtskrivar(ar)	James Taylor
Produsent	Peter Asher
James Taylor-kronologi
«Long Ago and Far Away» (1971)	Don't Let Me Be Lonely Tonight	«One Man Parade» (1973)

«Don't Let Me Be Lonely Tonight» er ein song skriven og framført av den USA-amerikanske visesongaren James Taylor frå albumet hans One Man Dog i 1972. Songen har vore med på tre av Taylor sine samlealbum: Greatest Hits (1976), Classic Songs (1987) og The Best of James Taylor (2003). Taylor spelte inn songen på nytt for Michael Brecker-albumet Nearness of You: The Ballad Book frå 2001. Denne tolkinga vann Taylor Grammyprisen for beste mannlege popsong i 2002.

Medverksande

James Taylor - solovokal, akustisk gitar Danny Kortchmar - elektrisk gitar Craig Doerge - piano Lee Sklar - bassgitar Russ Kunkel - trommar, congaer

• Michael Brecker - tenorsaksofon

Mottaking

AllMusic-skribenten Bill Janovitz skreiv at songen er «eit fantastisk døme på Tin Pan Alley-typen av jazzaktig romantisk ballade», og at teksten til songen, om «ein forrådd elskar som lèt sitt einsame hjarte kontrollera hovudet sitt», var uvanleg i og med at songar med det temaet vanlegvis vart framført av kvinnelege artistar.

Salsliste

Han vart gjeven ut som førstesingelen frå albumet, og nådde ein 14. plass på den amerikanske Billboard. Hot 100, og nådde topplasseringa si 13. januar 1973. Han nådde òg tredjeplassen på Easy Listening-lista. I Canada nådde songen 18. plassen på Pop Singles-lista og sjuandeplassen på AC-lista.

Andre versjonar

Songen har vorte spelt inn av følgjande artistar:

• Johnny Mathis, på Me and Mrs. Jones (1973)
• Liza Minnelli, på The Singer av Liza MinnelliThe Singer (1973), det bestseljande albumet hennar.
• The Isley Brothers, på det platinaseljande albumet deira 3 + 3 (1973). Denne versjonen var gjort i 12/8-takt, med eit rhythm and blues-preg.
• Nancy Wilson, på Come Get to This (1975).
• Isaac Hayes, på For the Sake of Love (1978), i ein 7 minutt lang, funkprega versjon med ei lang instrumental innleiing. Den instrumentale delen er blitt sampla i songar som «You Keep Leading Me On» av Mona Lisa (1996), «Rhyme No More» av Jay-Z (1997), «It's All Mo' Thug» av Bone Thugs-n-Harmony (1997) og «Lovin You (On My Mind)» av Slim Thug med Z-Ro (2013).
• Mary MacGregor, på ...In Your Eyes (1978)
• Det skotske bandet Wet Wet Wet, på debutalbumet Popped in Souled Out (1987).
• Oleta Adams, på Evolution (1992)
• Michael Brecker, på Nearness of You: The Ballad Book (2001)
• Eric Clapton, på Reptile (2001)
• Joe Cocker, på Heart & Soul (2005)
• David Sanborn med Lizz Wright på Closer (2005)
• Diane Schuur på Schuur Fire (2005)
• Jazzsaksofonisten Boney James, på Send One Your Love (2009). Vokal var av Quinn, i ein stil som liknar på Isley Brothers sin versjon. Han vart gitt ut som singel, og vart nominert til Grammyprisen for beste tradisjonelle R&B-song. i 2010, og tapte mot Beyoncé sin versjon av «At Last».
• Garth Brooks, på albumet The Melting Pot på samleboksen Blame It All on My Roots: Five Decades of Influences (2013).

«Don't Let Me Be Lonely Tonight» har òg blitt framført på scenen av artistar som George Benson, Pat Metheny og Earth, Wind & Fire.

Kjelder

• Denne artikkelen bygger på «Don't Let Me Be Lonely Tonight» frå Wikipedia på engelsk, den 6. april 2023.
  • Wikipedia på engelsk oppgav desse kjeldene: