Gudmund Harlem

Gudmund Harlem
Statsborgarskap	Noreg
Fødd	24. juli 1917 Christiania
Død	22. mars 1988 (70 år) Oslo
Yrke	politikar, lege
Politisk parti	Arbeidarpartiet

Gudmund Harlem (24. juli 1917–22. mars 1988), fødd i Kristiania, var ein norsk lege, professor og politikar frå Arbeidarpartiet.

Statsråd

Gudmund Harlem var statsråd og sjef for to departement:

• 1. august 1955 - 18. februar 1961: Sjef for Sosialdepartementet (sosialminister) i Einar Gerhardsen si andre regjering.
• 18. februar 1961 - 28. august 1963: Sjef for Forsvarsdepartementet (forsvarsminister) i same regjering.
• 25. september 1963 - 12. oktober 1965: Sjef for Forsvarsdepartementet (forsvarsminister) i Einar Gerhardsen si fjerde regjering.

Utdanning og karriere

Gudmund Harlem vart student i 1935. Studia til lege vart avbrote av krigen, og han vart cand.med. i 1946. I 1976 vart han dr.med.

Han arbeidde som lege ved Statens attføringsinstitutt i Oslo 1946-1953, og var assistentlege ved Hygienisk institutt 1946-1948. Han var deretter overlege ved Statens attføringsinstitutt i Oslo 1953-1970. Frå 1955 var han teknisk ekspert for FN si attføring til Egypt og Italia. Han var assistentlege ved Rikshospitalet 1965-1966. Han var overlege og fagleg leiar ved Statens attføringsinstitutt 1966-1970, og direktør same stad 1970-1977. Frå 1971 var han teknisk ekspert for WHO til Malta.

Han var professor i arbeidslivsvitskap ved Universitetet i Trondheim/NTH 1977-1980. Deretter var han administrerande direktør for Norges Teknisk-Naturvitenskapelige Forskningsråd 1980-1986. Dei to siste åra før han døydde arbeidde han som allmennpraktiserande lege i Oslo, 1986-1988

Verv

Gudmund Harlem hadde svært mange framståande tillitsverv utanom verva som statsråd. Nokre av dei viktigaste:

• Kommunalpolitiske verv:
  • Medlem Oslo bystyre 1945-1947
  • Medlem Skolestyret, Oslo 1948-1955

• Offentlege verv:
  • Formann Komiteen for spesialbehandling av barn 1948-1955
  • Medlem styret for Norges allmennvitenskapelige forskningsråd 1949-1957
  • Formann Vanføreomsorgkomiteen 1952-1955
  • Formann Sentralrådet for yrkesvalghemmede 1955-1957, 1966-1970
  • Varaformann styret for Rikshospitalet 1970-1981
  • Formann Norges Teknisk-Naturvitenskapelige Forskningsråds forurensingskomite 1970-1976
  • Medlem Statens idrettsråd 1974-1985
  • Formann styret for Norges Idrettshøgskole 1976-1988
  • Formann styret for Arbeidstilsynet 1977-1988
  • Formann Norges Teknisk-Naturvitenskapelige Forskningsråds arbeidsmiljøkomite 1977-1980
  • Formann Forsikringsrådet 1978-1986
  • Leder utval for lovgjevinga om forsikringsverksemd 1978-1985
  • Medlem Rådgjevande utval for industri- og energisamarbeid 1979-1985
  • Medlem Forsvarsrådet frå 1980
  • Nestleder Styret for Kredittilsynet 1985-1988

• Tillitsverv i parti:
  • Medlem AUF sitt sentralstyre 1946-1949
  • Varamedlem Det norske Arbeiderparti sitt sentralstyre 1949-1957
  • Varaformann Oslo Arbeidarparti 1952-1957

• Tillitsverv i organisasjonar:
  • Formann Det Norske Studentersamfund frå 1945
  • Medlem Styret i International Union of Socialist Youth 1946-1951
  • President International Society for Rehabilitation of the Disabled 1966-1972

Anna

Gudmund Harlem var far til statsminister Gro Harlem Brundtland og justisminister Hanne Harlem.

Kjelder

• Gudmund Harlem hos Stortinget.no, vitja 23. april 2010