Maren Lundby
| Maren Lundby | |
|
| |
| Statsborgarskap | Noreg |
| Fødd | 7. september 1994 (30 år) Gjøvik kommune |
| Idrett | skihopping, fotball |
| Tok del i | Vinter-OL 2014, Vinter-OL 2018 |
| Utmerkingar | Holmenkollmedaljen, Peer Gynt-prisen, Gina Krog-prisen, LOs likestillingspris, Fredrikkeprisen, Fearnleys olympiske ærespris |
_2019.jpg)
Maren Olstad Lundby (fødd 7. september 1994) er ein norsk skihoppar frå Bøverbru i Vestre Toten som vart olympisk meister i normalbakkerennet under Vinter-OL 2018 i Pyeongchang. Ho er medlem i Kolbukameratene.
Aktiv
[endre | endre wikiteksten]Lundby tok bronsen under Noregsmeisterskapen på ski 2009, bak Anette Sagen og Line Jahr. 14 år gammal fekk ho dermed plass i den norske troppa ski-verdsmesterskapen i Liberec, der skihopping for kvinner stod på VM-programmet for fyrste gang. Med startnummer 1 vart ho historisk, ho enda elles på 22. plass etter hopp på 73,5 m og 59,5 m. Under Ski-VM 2011 i Oslo kom ho på 11. plass og vart nest best av dei norske utøvarane. Same sesongen vart ho norsk meister i normalbakken. Ho deltok utan suksess i Ski-VM 2013.
OL-sesongen 2014 tok Lundby steget opp mot verdseliten i skihopping for kvinner. Ho vart nummer åtte under vinterleikane i Sotsji og kunne 1. mars 2014 klive opp på sigerspallen etter eit verdscuprenn då ho vart andrekvinne i rumenske Râșnov. Året etter deltok ho på det norske mikslaget som vann VM-sølv under Ski-VM 2015 i Falun, like bak Tyskland.
Lundby gjekk til topps i verdscupen i skihopping fyrste gongen i Nizjnij Tagil i Russland den 10. desember 2016. Der etter tok ho i januar 2017 verdscupsiger nummer to og tre i høvesvis Sapporo og Râșnov. Den 11. februar stod ho øvst på sigerspallen etter verdscuprennet i Ljubno i Slovenia. Med så solid hopping var ho ein av dei største gullkandidatane i hoppbakken under Ski-VM 2017 i Lahti. Ho leia etter den fyrste omgangen, eit svakt andrehopp gjorde at ho enda på fjerdeplassen.
Vinteren 2018 låg Lundby heile vegen i verdstoppen av kvinneleg skihopping. Gjennom desember 2017 og januar 2018 vann ho sju renn i verdscupen og var den største favoritten før Vinter-OL i Pyeongchang. Her innfridde ho og vann ein klar siger, 12 poeng over Katharina Althaus frå Tyskland.
Prisar og heider
[endre | endre wikiteksten]- 2020 - Årets forbilde på Idrettsgallaen
- 2021 - Holmenkollmedaljen.
- 2022 - Årets namn på Idrettsgallaen
- 2022 - Årets Peer Gynt. (Frammstemnd av Stortingsrepresentantane i Noreg.)
- 2022 - Fredrikkeprisen
- 2022 - LOs likestillingspris
Kjelder
[endre | endre wikiteksten]- Denne artikkelen bygger på «Maren Lundby» frå Wikipedia på tysk, den 13. februar 2018.
- Denne artikkelen bygger på «Maren Lundby» frå Wikipedia på bokmål, den 13. februar 2018.
- Einskildkvinner
- Fødde i 1994
- Norske skihopparar
- Vinnarar av Holmenkollmedaljen
- Verdsmeistrar i skihopping
- Noregsmeistrar i skihopping
- Olympiske meistrar for Noreg
- Olympiske medaljevinnarar i skihopping
- Norske deltakarar under vinter-OL 2014
- Skihopparar under vinter-OL 2014
- Medaljevinnarar under vinter-OL 2018
- Norske deltakarar under vinter-OL 2018
- Skihopparar under vinter-OL 2018
- Deltakarar under Ski-VM 2009
- Deltakarar under Ski-VM 2011
- Deltakarar under Ski-VM 2013
- Deltakarar under Ski-VM 2015
- Deltakarar under Ski-VM 2017
- Deltakarar under Ski-VM 2019
- Deltakarar under Ski-VM 2021
- Deltakarar under Ski-VM 2023
- Norske Skal vi danse-deltakarar
- Folk frå Vestre Toten