Reinhard Schwarzenberger
| Reinhard Schwarzenberger | |
| Statsborgarskap | Austerrike |
| Fødd | 7. januar 1977 (47 år) Saalfelden |
| Idrett | skihopping |
| Tok del i | Skihopping under Vinter-OL 1998 – Laghopp |
| Utmerkingar | ærestegn i gull av Ærestegnet for fortjenester |
Reinhard Schwarzenberger (fødd 7. januar 1977) er ein austerriksk tidlegare skihoppar frå Saalfelden i forbundslandet Salzburg. Han vann to bronsemedaljar i laghopp med Austerrike. Den fyrste kom under vinter-OL 1998 i Nagano, den andre året etter i Ramsau under ski-VM 1999 på austerrikske heimegrunn. Hans beste individuelle prestasjon var tredjeplassen i den tysk-austerrikske hoppveka 1995/96.
Aktiv
[endre | endre wikiteksten]Schwarzenberger debuterte i verdscupen i Oberstdorf romjula 1994. Han overraska stort ved å vinne rennet, 1,2 poeng framom landsmannen Andreas Goldberger, med tyske Jens Weissflog på tredjeplass. Seinare i sesongen vart han nummer to i eit renn i Kuopio. Han deltok i mars månad i verdsmeisterskapen i Thunder Bay, med ein sjuandeplass i storbakken som beste prestasjon.
Schwarzenberger sigra i nyttårshopprennet 1996 i Garmisch-Partenkirchen, og kom på tredjeplass samanlagt i den tysk-austerrikske hoppveka 1995/96, berre den suverene Jens Weissflog og finske Ari-Pekka Nikkola var betre. Same sesongen vart han nummer ni i verdscupen, hans beste plassering i turneringa.
Saman med Stefan Horngacher, Martin Höllwarth og Andreas Widhölzl vann Schwarzenberger den olympiske bronsemedaljen i laghopp under OL 1998 i Nagano. Året etter, under VM 1999 i Ramsau, fekk dei same fire nye bronsemedaljar i same øvinga.
Etter 1999-sesongen klarte ikkje Schwarzenberger lengre å hevde seg mellom verdas beste skihopparar. Berre sjeldan makta han å kome blant dei ti beste på resultatlista, endå om han deltok i mange renn opp til 2005. Han la opp som skihoppar i 2007.
Verdscupsigrar
[endre | endre wikiteksten]| Dato | Stad | Land |
|---|---|---|
| 30. desember 1994 | Oberstdorf | Tyskland |
| 1. januar 1996 | Garmisch-Partenkirchen | Tyskland |
Kjelder
[endre | endre wikiteksten]- (en) Reinhard Schwarzenberger – Profil og resultatoversikt hos FIS
- «Reinhard Schwarzenberger» (på engelsk). olympedia.org. Henta 13. februar 2023.
- Denne artikkelen bygger på «Reinhard Schawrzenberger» frå Wikipedia på tysk, den 4. desember 2012.
- Einskildmenn
- Fødde i 1977
- Austerrikske skihopparar
- Olympiske bronsemedaljevinnarar for Austerrike
- Olympiske medaljevinnarar i skihopping
- Medaljevinnarar under vinter-OL 1998
- Austerrikske deltakarar under vinter-OL 1998
- Skihopparar under vinter-OL 1998
- Deltakarar under Ski-VM 1995
- Deltakarar under Ski-VM 1999