The Village Green Preservation Society
| The Village Green Preservation Society Singel av The Kinks frå albumet The Kinks Are the Village Green Preservation Society | ||
| B-side | ||
|---|---|---|
| Utgjeve | November 1968 | |
| Innspelt | August 1968 | |
| Sjanger | Folkrock | |
| Lengd | 2:49 | |
| Selskap | Reprise | |
| Låtskrivar(ar) | Ray Davies | |
| Produsent | Ray Davies | |
| Amerikansk The Kinks-kronologi | ||
| Starstruck (1969) |
The Village Green Preservation Society | Victoria (1969)
|
«The Village Green Preservation Society» er ein song av det engelske rockebandet The Kinks. Songen er skriven av Ray Davies og er ein nostalgisk refleksjon på den kulturelle livsstilen på den engelske landsbygda og nemner fleire trekk ved dette, som Tudor-hus og fatøl. Samstundes er teksten negativ til moderne, industrielle rekk som kontorblokker og skyskraparar.
Songen er opningsspor på The Kinks Are the Village Green Preservation Society, og set temaet for stort sett resten av albumet. I følgje AllMusic er det òg den mest kjende songen frå albumet.[1]
Songen har vore ein del av konsertane til The Kinks. Songen inspirerte til slagordet til bandet, «God Save the Kinks».[1]
Mottaking
[endre | endre wikiteksten]«The Village Green Preservation Society» har generelt fått god omtale. Rolling Stone trekte fram vokalen i songen og skreiv at «melodien, rytmen er ein fryd på kvart vers».[2]
Songen var den andre singelen i Amerika frå The Kinks Are the Village Green Preservation Society (etter «Starstruck»), men gjekk ikkje inn på salslista.
Medverkande
[endre | endre wikiteksten]- Ray Davies – solovokal, gitar, klaverinstrument[3]
- Dave Davies – akustisk gitar, korvokal[3]
- Pete Quaife – bassgitar, korvokal [3]
- Mick Avory – trommer[3]
Andre versjonar
[endre | endre wikiteksten]Songen er blitt spelt av visesongaren Kate Rusby og kom ut som bonusspor på albumet Awkward Annie i 2007. Versjonen vart spelt inn som kjenningsmelodi til den britiske situasjonskomedien Jam and Jerusalem.
Ray Davies sjølv spelte inn ein versjon med Crouch End Festival Chorus for albumet The Kinks Choral Collection i 2009.
Kjelder
[endre | endre wikiteksten]- Denne artikkelen bygger på «The Village Green Preservation Society» frå Wikipedia på engelsk, den 8. april 2018.
- Wikipedia på engelsk oppgav desse kjeldene:
- ↑ 1,0 1,1 Stewart Mason. «The Village Green Preservation Society - The Kinks | Listen, Appearances, Song Review». AllMusic. Henta 8. april 2018.
- ↑ Paul Williams (14. juni 1969). «Village Green Preservation Society | Album Reviews». Rolling Stone. Arkivert frå originalen 25. juli 2017. Henta 8. april 2018.
- ↑ 3,0 3,1 3,2 3,3 «AllMusic review».