Viroid

Viroidar er små (246–401 nukleotid) enkelttråda RNA-molekyl som kan øksla seg i planter, der dei valdar symptom som liknar på virusinfeksjon. Viroidane er sirkulære og kodar ikkje for protein. Dei nyttar RNA-polymerasar i verten under prosessen med å laga kopiar av seg sjølve.

Artar av viroidar vert delte opp i to kategoriar etter kvar dei økslar og samlar seg:

• Pospiviroidae: i sellekjernen
• Avsunviroidae: i kloroplastane

Den fyrste viroiden som vart oppdaga var Potato spindle tuber viroid (PSTVd), ein viroide som valdar sjukdom i potetplanta.

Det finst teikn på at viroidar kan ha eit evolusjonært opphav uavhengig av virusa.

Kjelder

• Flores, Ricardo; et al. (juli 2005). «Viroids and Viroid-Host Interactions». Annual Review of Phytopathology. doi:10.1146/annurev.phyto.43.040204.140243. Arkivert frå originalen 20. juli 2020. 
  Denne biologiartikkelen er ei spire. Du kan hjelpe Nynorsk Wikipedia gjennom å utvide han.