Andromèda (constellacion)

Constellacion d'Andromèda

Andromèda es una constellacion de l’emisfèri nòrd. Longa, en forma de « A », Andromèda es l’una des las 48 constellacions identificadas per Ptolemèu.

Istòria

Andromèda, dessenhada per Johann Elert Bode.

Tota la region descriu la legenda de la princessa Andromèda, filha de la reina Cassiopèa (al nòrd) e de Cefèa (un pauc pus a l’oèst), rei d’Etiopia.

Cassiopèa se vantèt totjorn de la belesa de sa filha ; quand gausèt dire que despassèt tanben las ninfas de las mars, aquelas demandèron a lor paire, Poseidon, dieu de la Mar, de las vengar. Poseidon s’irrita e manda un monstre (Cetus) amb per mission de ravajar las costas del reialme. Lo sol biais de salvar lo reialme èra d'ofrir Andromèda en sacrifici per apaisar la colèra del monstre.

Cefèa acceptèt de sacrificar sa filha en l’encadenant a un ròc (las cadenas d’Andromèda son en direccion de Cefèa) per daissar Cetus la devorar.

Per bon astre, l'eròs Persèu (al nòrd èst), passant per aquí, tua lo monstre Cetus en lo petrificant (amb la tèsta de la Meduse) e desliura la bèla.

Se dich tanben que per son orguèlh, la reina Cassiopèa foguèt encadenada a son tròne, condemnada a tornejar a l'entorn del Pòl Nòrd e de còps a pendre a l'envèrs, d'un biais fòrça pauc digne.

Observacion de las estelas

Localizacion

La constellacion se localiza a partir de Algol e del grand carrat de Pegas. Dempuèi aquel carrat, se pòt veire un immens « carri », tres còps pus grand qu'aquel de la Granda Orsa, format per α And, α, β, et λ Peg (lo Grand carrat de Pegas), puèi dins lo prolongament de sa diagonala, a partir de α And, β And, γ And, e fin finala Algol (β Persèu).

Alinhaments

Aquela diagonala d’Andromèda de 60 ° d’amplitud aparten a un immens alinhament que fa lo torn del glòb, e que n'es un ais de localizacion major de la capa celèsta. Dempuèi lo Grand carrat de Pegas passa per Algol, Capella, Castor e Pollux, Alphard (Idra), l’extremitat de las Velas puèi Acrux e Alpha Centauri, Shaula (λ Scorpii), l’arc e la tèsta (σ Sgr) del Sagitari, puèi torna montar par la tèsta del Capricòrn (β Cap), lo long de l’ais de l'Aqüari, per acabar sus la diagonala del Grand carrat de Pegas.

Localizacion d’Andromèda

Forma

Las tres estelas principalas d’Andromèda, qu'apareisson dempuèi lo jorn falhit, se situan sus la granda diagonala, e correspondent a la testa (Alphératz, α, dins lo carrat de Pegas), l'anca (Mirach, β And), e lo pè (Almach, γ And), totas tres pro brilhantas (mag 2). Se vei pro rapidament aparéisser doas estelas intermediarias (mag 3) sus aquel ais, l’espatla e lo genolh.

Los autres membres son pro flacs (mag 4) : se vei un primièr alinhament perpendicular a la diagonala d’Andromèda, al nivèl de l’espatla, que dessenha los dos braces. Costat Sud, lo braç s’acaba sus un alinhament de tres estelas, la tresena (pus exteriora) aparten a la constellacion dels Peisses.

Costat Nòrd, lo braç punta sus la cadena d’Andromèda, que se dessenha flacament (mag 5) entre le carrat de Pegas e Cefèa. Las estelas un pauc pus brilhantas que semblan limitar la cadena d’Andromèda forman la pichona constellacion del Lausèrt.

La camba nòrd d’Andromèda va de l'anca cap a Cassiopèa, e dessenha un pichon arc de cercle fins al pè drech (51 And), que tòca gaireben la man de Persèa. La celèbra galaxie d’Andromèda se situa al nivèl del genolh, a 2 ° cap a l’exterior, e s'i pòt veire se les condicions de visibilitat son excellentas jos forma d’una nèbla vagament luminosa.

A l'opausat del despart de la camba d’Andromèda, e dins lo meteis ais, se vei una pichona estelas intermediari (qu'est la punta de la constellacion del Triangle), puèi arribam sus la tèsta del Aret.

Los dos pès d’Andromèda (51 e γ And) son dins l’alinhament del bord Oèst de Cassiopèa, pus al Nòrd. Inversament, la baise del W de Cassiopèa punta cap a la baisa de la cadena d’Andromèda abans de tocar lo som du carrat de Pegas.

Estelas principalas

Article detalhat: Lista de las estelas d'Andromèda.

Andromèda, dessenhada per Johannes Hevelius.

α And (Alphératz / Sirrah)

La pus brilhanta estela d’Andromèda, α And, nomenada Alphératz, Alpharatz o Sirrah, constituís amb α, β, e λ Peg un estelum nomenat lo Grand Carrat de Pegas. Aquela estela foguèt alara inclusa dins Pegas : Alphératz significa « espatla del caval » e Sirrah « monilh » en arabe.

Es una estela fòrça cauda, de color blau blanc, brilhant 110 còps pus que lo Solelh. Es tanben una estela doble, son companhon despassant pas la magnitud aparenta 11,3.

β And (Mirach)

β And, ou Mirach, que lo nom significa « la Centura » en arabe, es una giganta roge 30 còps pus granda que lo Solelh.

γ And (Almach)

γ And, o Almach o Alamak (de l’arabe Al Anak al Ard, « lo linx del desèrt »), se tròba a l'extremitat de la camba sud del « A » de la constellacion. Es una bèla estela doble amb colors contrastadas, irange e blau.

La principala estela del sistèma, γ¹ And, es una giganta irange 80 còps pus granda que lo Solelh e 2000 còps pus luminosa qu'aquel. γ² And es ela meteissa una estela doble. γ²-A And, de magnitud 5,0, e γ²-B And, de magnitud 5,5, s'entornejan en 61 ans segon una orbita plan fòrtament eliptica. Las doas estelas son totas doas blavas. γ²-A And es ela meteissa doble, son companhon torneja a l'entorn d’aquela en solament 2,7|jorns.

Autras estelas

υ And possedís un sistèma planetària amb per lo mens tres exoplanètas, 0,71 còp, 2,11 còps e 4,61 còps pus massissas que Jupitèr.

R Andromedae es una estela variable de tipe Mira que la magnitud passa de 5,8 a 14,9 segon un periòde de 409 jorns.

Objèctes celèstes

L'objècte pus famós d’Andromèda es M31, la galaxia d’Andromèda, l’un dels pus alunhats objèctes vesibles sens intruments M33 es un pauc pus alunhat). Es d’una enòrma galaxia espirala semblable a la nòstra. Per trobar la galaxia, se pòt dessenhar una linha entre Beta Andromedae e Mu Andromedae, e perseguir aquela linha a prèp de la meteissa distància dempuèi μ.

L'objècte NGC 7640 es una autra galaxia espirala de tipe raiada SBb, pro facil de localizar.

La nebulosa planetària NGC 7662 es l’un dels objèctes pus facils a veire amb un telescòpe amator e rebèla un disc eliptic blau verd.

L’amàs dubèrt NGC 752 còbre una superficia pro larga. Semblant una centena d’estelas de magnitud 9 a 10, se situa prèp de 56 Andromedae.

Vejatz tanben

Articles connèxes

• Lista de las estelas d'Andromèda

Ligams extèrnes

• (en) Andromeda (The Deep Photographic Guide to the Constellations)