Auricalcita
L'auricalcita es un minerau de color blau cèu qu'a una duretat de 2,0 e una densitat de 3,5-3,6. Es formada de carbonat idratat de coire e de zinc (simbòl quimic : (Zn, Cu)5(CO3)2(OH)6) cristallizat segon un sistèma ortorombic de classa esfenoïda. Lei cristaus isolats son rars e l'auricalcita se presenta generalement en agregats formats de plusors cristaus pichons. Son esclat es sedós.
Se troba coma minerau segondari format per l'alteracion de mineraus de coire ò de zinc. Es donc generalament associat ambé de mineraus de coire e de zinc, especialament de sulfurs. A ges d'interès economic.