La Landussa

Vilatge d'Occitània

La Landussa
Lalandusse

Geografia fisica

Coordenadas

44° 39′ 27″ N, 0° 31′ 54″ E

Superfícia

9,37 km²

Altituds
· Maximala
· Mejana
· Minimala

143 m
143 m
56 m

Geografia politica

Guiana
Perigòrd

França

La val de Dròt (Castilhonés avant 2015)

Intercom
244700209

CC de las Bastidas en Naut Agenés Perigòrd

Cònsol

Christian Dieudonné
(2020-2026)

Geografia umana

Populacion
Populacion totala
(2018)

222 ab.

Evolucion de la populacion

226 ab.

Densitat

22,63 ab./km²

Autras informacions

Còde postal

47330

Còde INSEE

47132

La Landussa o La Landuça ^[1]^,^[2]^,^[3] (Lalandusse en francés) es una comuna perigòrda ^[4], situada dins lo departament d'Òut e Garona e la region de Novèla Aquitània, ancianament d'Aquitània.

Geografia

La populacion a aumentat recentament pr'amor de lotejaments. Un es a l'oèst del borg sus la sèrra (vistas), l'autre es près de la RD 1 Lausun-Castilhonés e per el, an utilizat la latinizacion del nom de La Landussa a l'Edat Mejana : Montelato.

Perimètre del territòri

Comunas confrontantas de **La Landussa**
Sench Aubin e Cadalech (Dordonha)	Plasença (Dordonha)
Lausun		Caisac
	Dosens

Toponimia

La Landuça

La prononciacion es [lalan'dyʃɔ]. Las fòrmas ancianas son Montelato, en latin, en 1266, Montelato, en latin, en 1349, Montlach, en 1370^[1]. Las mapas del sègle XVII donan lo nom actual : Landuße ^[4], la Landuße ^[5]. La parròquia cangèt doncas de nom dins l'interval. Landussa es format de landa, mot d'origina gallesa per un espaci non cultivat, emb lo sufixe pejoratiu eretat del latin -ucia. Lo nom d'origina aviá lo sens de « mont larg » ^[6]^,^[1] e presentava d'un biais sintetic las particularitats del siti : a l'oèst del borg, lo replanat es estrech, en fòrma de sèrra, a l'èst s'espand en triangle dont lo borg es un angle : aquò's doncas un mont que ven lat juste a l'emplaçament del borg. La prononciacion de 1370 èra benlèu [mun'latʃ] ^[1], mas l'un pòt supausar puslèu que la mencion de 1370 representava lo nom al plural, *Montlats, probablament per confusion emb lo nom dels abitants, *los montlats. Lo nom de landussa o landuça s'explica pas per la maissanta qualitat de la tèrra, puèi que lo terrenh es normalament cultivat adara; l'explicacion es d'una autra natura. La disparicion del nom ancian es coërenta emb lo nom novèl; probable que lo vilatge s'èra despoblat o qu'aviá dispareissut el-meteis (pendent la Guèrra de Cent Ans ?) e que lo paisatge a l'entorn èra vengut una trista bosiga, ni cultivada ni enquèra un bòsc, una landa. Quand lo vilatge se tornèt establir, probablament al meteis luèc (pr'amor de la glèisa, se s'èra conservada ?), lo nom ancian s'èra oblidat, d'aitant que los novèls abitants podián venir d'autres luècs.

Gassas (en francés)

Gassas (en francés), luèc situat en riba de Dròt, es una anciana parròquia ^[7]. Lo nom es escrit, benlèu per francizacion, Agaßes sus la mapa de Tarde de la diocèsi de Sarlat ^[4] e sus la mapa de Sanson de l'Agenés ^[5] (mas benlèu que Sanson copiava Tarde). S'aquela fòrma es una error (mas que gardariá lo meriti de nos senhalar una aferèsi, la supression de l'iniciala A, *Agassàs comprés coma « a Gassàs »), l'accent tonic es sus la finala e lo nom ancian èra benlèu Agassa(n)s (emb lo sufixe -anum e desarticulacion de -n- avant -s) o *Agassac ^[8], coma per una autra anciana parròquia, adara dins Somençac, Gassac. Coma per Agaçac (Roergue), Agaçac (Gasconha, Nauta Garona), e tanben un castèl nommat Agassac (Ludon de Medòc), l'origina seriá Acatiacum, del nom d'òme latin Acatius (o puslèu Acaciacum, de sa varianta Acacius), emb lo sufixe -acum ^[9]; la bona grafia seriá Gaçacs alavetz. Mas Acacius e sufixe -anum es la solucion pus probabla; aquò demandariá pr'aquò de conéisser mai las fòrmas ancianas. La grafia pus prudenta es Gaçàs.

Istòria

La comuna e sas vesinas, qu'èran perigòrdas, tombèron del costat òutegaronés a la Revolucion, probablament perqué èran de la senescalciá d'Agen (las autras comunas qu'èran de la senescalciá de Brageirac fuguèron estacadas al departament de Dordonha ^[10]).

Administracion

Lista dels cònsols successius
Periòde		Identitat	Qualitat
junh de 1995	2026	Christian Dieudonné	professor d'arts marcialas e retirat agricòla
	1995
Totas las donadas son pas encara conegudas.

Abans la refòrma cantonala de 2014, aplicada en 2015, la comuna èra del canton de Castilhonés; es ara del canton de La Val de Dròt.

Demografia

modificar « persona »
v · d · m

Evolucion demografica
Populacion comunala actuala (2013): 212, totala: 215

562

566

613

657

636

604

614

617

563

511

509

511

470

474

456

391

366

335

350

331

289

281

338

306

275

245

206

181

155

163

184

186

188
192

2009

2010

188
192

197
200

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

En 1793, la municipalitat compreniá tanben Dosens e Saint-Grégoire (nom francés) e la populacion totala d'aquelas tres comunautats èra de 1200 abitants ^[11].
En 2018 la populacion èra de 222 abitants e la densitat èra de 23,69 ab/km².

Luècs e monuments

Personalitats ligadas emb la comuna

Veire tanben

Comunas d'Òut e Garona

Ligams extèrnes

Nòtas

↑ ^1,0 ^1,1 ^1,2 et ^1,3 Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 146-147
↑ http://bdtopoc.org/?city_selected=Lalandusse
↑ https://web.archive.org/web/20170919200819/http://www.locongres.org/oc/aplicacions/top-oc/topoc-recerca/
↑ ^4,0 ^4,1 et ^4,2 https://web.archive.org/web/20190701232640/https://gallica.bnf.fr/ark:/12148/btv1b7710170v/f1.item.zoom
↑ ^5,0 et ^5,1 https://web.archive.org/web/20181031215103/https://gallica.bnf.fr/ark:/12148/btv1b77101733/f1.item.zoom
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 380
↑ [1]
↑ http://www.valleedudropt.com/moulinsdir.htm
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, a Aguessac, p. 4
↑ [2]
↑ http://cassini.ehess.fr/cassini/fr/html/fiche.php?select_resultat=18399

Portau de Guiana

[BF-1] 1,0 ^1,1 ^1,2 et ^1,3 Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 146-147

[2] ttp://bdtopoc.org/?city_selected=Lalandusse

[3] ttps://web.archive.org/web/20170919200819/http://www.locongres.org/oc/aplicacions/top-oc/topoc-recerca/

[per-4] 4,0 ^4,1 et ^4,2 https://web.archive.org/web/20190701232640/https://gallica.bnf.fr/ark:/12148/btv1b7710170v/f1.item.zoom

[agen-5] 5,0 et ^5,1 https://web.archive.org/web/20181031215103/https://gallica.bnf.fr/ark:/12148/btv1b77101733/f1.item.zoom

[6] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 380

[7] [1]

[8] ttp://www.valleedudropt.com/moulinsdir.htm

[9] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, a Aguessac, p. 4

[10] [2]

[11] ttp://cassini.ehess.fr/cassini/fr/html/fiche.php?select_resultat=18399

[1]

[2]

[3]

[4]

[5]

[6]

[7]

[8]

[9]

[10]

[11]