Pescajon

Una pila de pescajons.

Una venta pescajons.

Lo pescajon es un plat compausat d'una prima sisa de pasta facha a basa de farina (mai sovent de blat o de blat negre) aglomerada a un liquid (lach, a vegada mesclat l'aiga o de la bièrra) e uòus. Se presenta jos forma redonda.

Lo pescajon es cuèch dins una padena ordinària o especializada o sus una placa calfanta.

Lo pescajon se manja caud o freg, sucrat o salat, coma plat principal o coma dessèrt. Es servida sola, o amb garnitura o encara farcida.

Preparacion

Coseson d'un pescajon.

Fin de coseson d'un percajon.

Se destrian los pescajon de color clara preparats amb de farina de froment, de lentilha, de milh, de ris, de semola, de teff o de céser, e aquelas, fòrça mai brunas, realizadas amb de farina de blat negre.

Pels pescajons de froment consomits en dessèrt, los ingredients mai sovent utilizats per la pasta son la farina, los uòus, lo lach, lo sucre e a vegada l'aiga e la bièrra. S'i apond a vegada d'aròmas coma la vanilha, de la flor d'irangièr, del rom o de l'alcòl de pomat (lambig, calvados).

Pels pescajons de blat negre, los ingredients de basa son la farina de blat negre, l'aiga e de sal. S'i apond a vegada de bièrra, un pauc d'òli, d'autras farinas en quantitat mendre (froment, castanha), e de pebre.

Un pescajon s'obten espandissent una partida de pasta, jos la forma d'un disc, sus una aisina onchada e calfada (placa de fonta, padena), e la fasent cóire alternativament sus ambedoas fàcias.

Lo pescajon francés se prepara sens levam, al contrari per exemple del pancake american o del blini rus o ucrainian.

Consomacion

Pescajon farcits de ratatolha.

Pastèl de pescajons empilats.

Lo pescajon pòt se consomir sol, mas es sovent cobrit d'una garnitura coma lo sucre, de la confitura, de chocolat d'onchar, de la crèma montada, du fromatge, de cambajon, veire de legums cuèchs. Lo pescajon es mai sovent sucrat per aqueles de froment e puslèu salat per aquel de blat negre.

Lo pescajon pòt èsser farcida e rabinada al forn. Se presenta plegada en quatre, rotlada, en mièja luna, en triangle, en borsa.

Tanben se pòt flambar: se versa sul pescajon caud un alcòl calfat (sovent del Grand Marnier) sus que se fa fuòc. Se pòt acompanha d'una bola de glaça.

Fèsta tradicionala ligada al pescajon

A la Candelièra o al Dimars Gras, es frequent de cosinar de pescajon. La legenda dich que per assegurar una prosperitat tota l'annada, cal far saltar lo pescajons amb una moneda dins la man.

Annèxes

Bibliografia

• Catherine Merdy-Goasdoué, Le livre des crêpes, Jérôme Villette, 125 p. ISBN: 978-2-86547-034-1
• Simone Morand, Cuisine traditionnelle de Bretagne ISBN: 978-2-87747-334-7
•  {{{títol}}}.