Placa indiana
La placa indiana es una placa tectonica de la litosfèra de la planeta Tèrra. Sa superfícia es de 0,30637 estereoradians.
Espandida
[modificar | Modificar lo còdi]Cobrís:
- las planas de l'Indus, du Ganges, du Bramapotra (plana indogangetica) e de l'Irauadi, lo Deccan e lo Sri Lanka ;
- l'èst de la mar d'Arabia, lo nòrd de l'ocean Indian e lo golf de Bengala, las Maldivas compresas e lo nòrd de l'archipèla de las Chagos.
Frontièras
[modificar | Modificar lo còdi]La placa indiana es en contacte amb las placas eurasiatica al nivèl de la sutura del Tsang Po, arabica, somaliana, australiana e birmana.
Sas frontièras amb las autras placas son formadas de la fòssa de l'arc de la Sonda sus la còsta oèst de las illas Andaman e de la dorsala del centre de l'ocean Indian.
Desplaçament
[modificar | Modificar lo còdi]Lo desplaçament de la placa indiana se fa cap al nòrd, a una velocitat de 6,00 centimètres per an, o encara a una velictat de rotacion de 1,1034° per milion d'ans, segon un pòl eulerian situat a 60°49' de latitud nòrd e 30°40' de longitud oèst (referencial: placa pacifica).
Comecèt a se desligar de la placa africana (Gondwana) per tustar la placa eurasiatica far environ 70 milions d'ans[1], acabant per cobrir l'ocean de Tetis fa 50 milions d'ans.
Los geològs consideravan la placa indiana e la placa australiana coma una sola placa nomenada « placa indoaustraliana ». Dempuèi la descobèrta d'una zona de falhas e de desformacions dins l'ocean Indian entre Sumatra e l'archipèla de las Chagos, las doas placas son a se separar, lo dislocacion podent prene encara de milions d'ans[2],[3],[4]. Aquel fenomèn provoquèt l'11 abril de 2012 per dos seïsmes de magnitud 8,7 e 8,2 lo long de falhas de desacrocatge dins la zona de ruptura de las doas placas, jos l'ocean Indian, alunhat de las limitas de placa[3],[4].
Lo desencadenament dels seïsmes d'abril de 2012 es ligat a l'activitat de la subduccion a Sumatra. La placa australiana que puja cap al nòrd (subduccion jol blot de la Sonda), es arrestada per l'Índia en tust amb Eurasia al nivèl de la serra imalaiana. Dempuèi de milions d'ans, de tensions s'acumulan al còr de la placa, una desformacion difusa se forma amb obertura de falhas. Los seïsmes de l'11 d'abril de 2012 son directament ligadas al megaseïsme de Banda Aceh de 2004[5],[6].
En 2010, la descobèrta facha dins la region de Cambay de rèstes fossilizats datant de gaireben 65 milions d'ans tornan sus la teoria actuala de la derida del soscontinent indian[7].
Notas e referéncias
[modificar | Modificar lo còdi]- ↑ (fr) Deux séismes frappent le Xizang, Tibet, région frontalière avec le Qinghai, Chine en linha Raymond Matabosch peridic:AmériQuébec 24 de març de 2010
- ↑ (fr)La Recherche n° 470 décembre 2012 p 16
- ↑ 3,0 et 3,1 Rupture annoncée de la plaque indo-australienne, place aux séismes !
- ↑ 4,0 et 4,1 (fr)Indonésie : une importante fracture de la plaque tectonique à l'origine des séismes
- ↑ (fr)Un séisme majeur peut en initier un autre 29-10-2012 [http://www.insu.cnrs.fr/node/4000
- ↑ https://web.archive.org/web/20150911040553/http://www.geologie.ens.fr/spiplabocnrs/spip.php?article427 en linha]
- ↑ (fr) Des dépôts fossilisés remettent en question l'histoire géologique de l'Inde; AFP; periodic: Aujourd'hui l'Inde; 26 d'octobre de 2010 en linha
