Skutterudita
La skutterudita es un minerau blanc estanh ò gris acier. D'una duretat de 5,5 a 6 e d'una densitat compresa entre 6,1 e 6,9, es compausada d'arseniur de cobalt (CoAs3). Forma de cristaus cubic mai aquò es rar. Pus sovent, forma d'agregats granulars. Son esclat es metallic. La skutterudita a un ponch de fusion bas mai lo procès libèra de vapors d'arsenic. Es egalament solubla a caud dins una solucion d'acid nitric e es pas fluorescenta.
Geologicament, se forma dins lei venas idrotermalas de temperatura mejana ò auta. Es sovent associada amb l'arsenopirita, l'argent natiu, lo bismut natiu, la cobaltita, la niccolita e la calcita. Lei jaciments pus coneguts se tròban en Norvègia, en Espanha, en Alemanha, en Marròc, ais Estats Units e en Canadà. Sa preséncia es limitada en Occitània onte ges de jaciment important sembla existir. La skutterudita es utilizada coma minerau per la produccion d'arsenic, de cobalt e de niquèl.