Museo Savonet
| Pais | Kòrsou  |
|---|---|
| Koordinato geográfiko | 12°21′2″N 69°6′22″W |
| Miembro di | Museums Association of the Caribbean |
Museo Savonet ta un museo na Kòrsou, establesi den e edifisionan di e antiguo Plantashi Savonet, inkluso e lanthùis Savonet. E ta situá den Parke Nashonal di Sint Kristòfel den e parti nortwest di e isla, tambe konosí komo Bandabou.
E museo a habri porta na 2013 i ta konta e historia di e besindario desde e promé Arawak te 2010, aña di e disolushon di Antia Hulandes. Inkluí den e linea di tempu ta e époka di sklabitut, e époka britániko (1807-1819) i e yegada di Shell na 1918.[1] E museo ta esun mas kontemporáneo di Kòrsou; su ekshibishon ta kreá pa Felix de Rooy, artista visual, direktor di teatro i sine di Kòrsou. Algun artefakto di e kolekshon Brenneker-Juliana ta forma parti di e eksibishon.[1]
E museo ta wòrdu manehá pa CARMABI.
Plantashi Savonet
[editá | editá fuente]Plantashi Savonet, fundá na 1662 riba inisiativa di Matthias Beck, tabata un di e plantashinan mas bieu i mas grandi riba e isla ku un superfisie di 1572 hèktar.[2] Aki tabata planta maishi, simia di dividivi i katuna. E bestianan di kría tabata produsí lechi i keshi; tambe tabatin produkshon di karbon i kalki.
E edifisio prinsipal, den kual e museo ta establesí, a wòrdu konstruí entre 1662 i 1664 den estilo baroko di Kòrsou.[1] Huntu ku e otro edifisionan el a wòrdu restourá den aña 2009 i 2010.
Mira tambe
[editá | editá fuente]Link eksterno
[editá | editá fuente]- (en) /(nl) Arkitektura Museo Savonet, Kòrsou, Atelier Argos
Fuente, nota i/òf referensia
|