Francavila

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Francavila     Stat: Italia Region: Piemont Provincia: Provincia ëd Lissandria Nòm 'n italian: Francavilla Bisio Coordinà: Latitudin: 44° 44′ 03.2′′ N Longitudin: 8° 43′ 57.7′′ E Autëssa: 160 m s.l.m. Surfassa: 7,75 km² Abitant: 516 (2017) Comun dj'anviron: Basaluss, Cavirià, Gavi, Pasturàuna, San Cristòfi, Tassareu CAP: 15060 Prefiss tel.: 0143 Còdes ÌSTAT: 006070 Còdes fiscal: D759  Sant protetor: Madòna dle Grassie  Festa dël borgh: tersa dumìnica 'd magg  Sit istitussional Francavila (Francavilla Bisio an italian) a l'é un comun dël Piemont ëd 516 abitant , ant la provinsa ëd Lissandria. As treuva ai bòrd ëd l'Apenin Lìgure, ant la bassa val dël torent Lèm, ch'a cala giù për la provinsa 'd Lissandria fin a campesse ant l'Òrba. Stòria La cesa parochial ëd la Madòna dle Grassie Le prime testimonianse ch'a documento l'esistensa ëd Francavila a armonto a l'Età 'd Mès: a-i son arferiment a Bassgnan-a an Val Lèm o Bassgnanela, tanme ch'as ciamava an col temp ël pais, ant na donassion dël 1181 dël marchèis ëd Gavi ai monio dl'abassìa 'd Sant Andrea ëd Sestri. Ant ël teritòri a l'era present na grangia benedetin-a: na cita strutura agrìcola e religiosa fornìa 'd na gesia (Santa Maria), dormitòri, refetòri, fornasa e mulin e dipendent da l'abassìa 'd Santa Maria 'd Rivàuta Scrivia, davzin a Torton-a. Dël sécol ch'a fa XIV, ël nòm ëd Bassgnan-a, ch'as trovava pì ant la pian-a, a dëspariss për esse sostituì da col ëd Francavila, con arferiment a le esenssion fiscaj dël castel e dla vila àuta. Ëdcò Bisio (topònim ch'a peul derivé dal ligurin boso, ch'a veul dì ambrun-a, bin presenta an coj bòsch) a l'é documentà da l'Età 'd Mès. Tant Francavila che Bisio a son anfeodà a le vajante famije d'orìgin genoèisa ch'a l'avio giurisdission an sla gran part dle val dël Lèm e dla Scrivia: Francavila a l'é anfeodà a jë Spìnola, Bisio daprima ai Dòria, peui ai Guasch. Dël Setsent ij feod dël teritòri a passo sota la protession dij Savòja e për fé part dël Regn ëd Sardëgna. Tërminà l'época dla dominassion fransèisa 'd Napoleon Bon-a-part, dal 1815 ël pais a torna al Regn ëd Sardëgna. Dal 1859, col Decret Rattazzi (Lèj n.3702, 23 otóber 1859), Francavila a fa part ëd la Provinsa ëd Lissandria, dël Sircondari ëd Neuve. Francavila a fa part dël Mandament ëd Cavirià, Bisio a fa part dël Mandament ëd Castlèt d'Òrba. Dal 1m ëd luj 1873 ij doi Comun a ven-o unì ansema a formé n'ùnica entità ministrativa. Aministrassion Ël sìndich a l'é Lucio Bevilacqua (da l'11/06/2018). Anliure esterne Sit istitussional Arferiment Ël castel ëd Francavila

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi