Meiran-a

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Meiran-a Stat: Italia Region: Piemont Provincia: Provincia ëd Lissandria Nòm 'n italian: Merana Coordinà: Latitudin: 44° 31′ 02.2′′ N Longitudin: 8° 17′ 51.9′′ E Autëssa: 253 m s.l.m. Surfassa: 9,20 km² Abitant: 189 (2018) Comun dj'anviron: Piana Crixia (SV), Seiròle (AT), Spign CAP: 15010 Prefiss tel.: 0144 Còdes ÌSTAT: 006093 Còdes fiscal: F131  Sant protetor: san Ferm  Festa dël borgh: 8 d'aost  Sit istitussional Meiran-a (Merana an italian) a l'é un comun dël Piemont ëd 189 abitant , ant la provinsa ëd Lissandria. Ël pais a resta ant l'Àut Monfrà, al confin con la Langa Astesan-a e con la Liguria, e sò teritòri a l'é ocupà da le colin-e àute ch'as treuvo an sla riva ossidental ëd la Bormia dë Spign, pì coltivà ant la part bassa e lassà a bòsch viaman ch'as avzin-a a l'Apenin Lìgure. Stòria La cesa parochial Dagià abità ant l'Età dël fer, coste bande a l'ero popolà da tribù ligurin-e dla branca djë Statielli e a l'han conossù un perìod ëd fioridura ant l'época roman-a, coma ch'a testimònio j'artrovament archeològich ëd tombe, siràmiche, véder e utiss an bronz. Ël topònim a l'é atestà a parte dal 1170, tanme “Mairana” e “Meyrana”. Ant l'Età 'd Mès a intra a fé part dël feod dë Spign e a na segue le sòrt ant ij sécoj, an passand dai marchèis Aleràmich a coj ëd Ponson, a la Repùblica 'd Génoa a la famija dij marchis Dël Carèt, a cola dj'Asiné. A l'inissi dël Setsent, l'imperator Carl VI d'Asborgh a vend ël Marcheisà dë Spign a Vitòrio Medeo II ëd Savòja për 300.000 fiorin. Meiran-a a intra parèj ant ël Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1815 a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) d'Àich e al Mandament dë Spign. Dal 1928 ël Comun a l'é ancorporà an col dë Spign, ma dël 1947 a ven torna dëstacà e oten andaré soa autonomìa aministrativa. Aministrassion Ël sìndich a l'é Claudio Francesco Isola (dal 06/06/2016). Anliure esterne Sit istitussional Arferiment Panorama

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi