ټیټ ځمکنی چورلېځ
ټیټ ځمکنی چورلېځ (انگلیسي: Low Earth orbit) د ځمکې شاوخوا د تشیال (فضا) هغې سیمې ته ویل کېږي چې تر ۲۰۰۰ کیلومټره (۱۲۴۳ میله) ټیټ وي. د نړیوال تشیال تمځای (International Space Station) په گډون گڼشمېر تشیالبېړیانې (فضايي بېړیانې) په همدې سیمې کې دننه کابو د ۹۰ دقیقو په اوږدو کې پر ځمکې را څرخي.
سپوږمۍ ته د اپولو پروگرام (Apollo Program) له الوتنو پرته، نورې ټولې بشري تشیالالوتنې (human spaceflights) په همدې ټیټ ځمکني چورلېځ کې ترسره شوي دي. تر دې دمه، په بشري تشیالالوتنو کې جېمیني ۱۱ (Gemini 11) په دې سیمې کې تر ټولو لوړ تللی دی چې له ځمکې څخه کابو ۱۳۷۴،۱ (۸۵۳،۸ میله) لوړ وو.