Borbóne/Barése

Artichele 'ndialètte barése

Le Borbóne sonde na famígghie reale d'oríggene frangése, rame cadètte de la dinastíe capetínge ca dope l'estinzióne de l'otre rame pegghiò u trone de Frange u 1589.

Stòrie de la dinastíe

U nome suje vène d'o fèude de Bourbon-l'Archambault ca u cape de la famígghie, Robbèrte de Clermont, seste fígghie de Luigi IX u Sande, fèsce, spesanne u 1279 Beatrísce, fígghie de l'uldeme segnore de chèdda reggióne, Angése de Dapièrre, e d'u zite suje Giuànne de Borgògne. U fígghie de Robbèrte, Luígge I de Borbóne, aví da Carle IV u 1327 u titele de duche. U nome stètte à la famígghie pure dope à la confísche d'u Borbonése fatte da Frangíscke I de Frange p'u trademènde d'u conestàbbele Carle III de Borbóne-Montpensier.

Le Borbóne se spartírene jinde à tré rame 'nd'o' Medioéve: u pringipàle acchemenzàte che Pitre I (1310-1356) nan 'nge stètte chiú quande la fígghie de Pitre II de Borbóne segnore de Beaujeu, Susànne, pegghí da Luígge XII u deritte de pegghià à tutte le bène de le sceneture e zitò u cuggíne Carle d'u rame cadètte de Borbóne-Montpensier. La tèrze righe jè d'o' nepote de Robbèrte, Giuànne de La Marche, ca dope u matremònie che la sore d'u juldeme conde de Vendôme, Bouchard VII, fací u rame de le Borbóne-Vendôme, ca salí o' trone de Frange che Erriche IV u 1589, acchemenzànne la dinastíe reale de le Borbóne de Frange.

Da cudde momènde chessa famígghie, ca, salví u episòdie de la jose d'u conestàbbele, nan se jève fatte valé tanne da l'otre case feudàle de cudde timbe, se fésce tanne 'mbortànne, se fésce june de le pringipàle de la stòrie d'Euròpe, seguí la lotte condre l'Asbúrghe acchemenzàte da le Valois, fení l'unificazzióne de la Frange e figne o' 1848 se uní à la stòrie de chèsse.

À chèsse famígghie appartènne qualche ré de granne 'mbortànze come Erriche IV e Luígge XIV.

La famígghie sté angóre c'u rame de l'Orléans, nate che Felippe (1640-1701), seconde fígghie de Luígge XIII. Le Borbóne d'Orléans, dope jèsse state ré de Frange (1715-1723) che la minoreté de Luígge XV, salí sop'o' trone u 1830 che Luígge Felippe, personàgge pringipàle de le tendènze libberàle d'u timbe condre chèdde reazzionàrie d'u rame primeggènie.

Che la muèrte de Erriche, conde de Chambord, juldeme rappresendànde d'u rame primeggènie 'nd'o' 1883, u rame de l'Orléans jè remaste legitteme pretendènde o' trone de Frange.

Righe chiú piccinònne de le Borbóne so' state chèdde de Condé, da Luígge I de Borbóne-Condé, zie d'Erriche IV, e chèdde de le Borbóne-Conde, da chèdde de prime. Pringipàle de tutte e du le rame so' state attíve sostenetúre de l'opposizzióne nobbele o' timbe de la Fronde. Le chiú canesciúte príngepe so' state Luígge II de Borbóne-Condé, chiamàte u Granne Condé, e Luígge Erriche ca fu prime menistre de Luígge XV. U rame de le Condé nan 'nge sté chiú d'o' 1830 e cudde de le Conti d'o' 1814. Oltre rame ca 'nge sté angòre, ma ca nan jè legitteme, jè cudde de le Borbóne-Busset, da Luígge, vèscheve de Liegi, muèrte u 1482.

U brève rame ma famòse fu cudde de le duche de Vendôme-Mercoeur, acchemenzàte d'o' fígghie non legitteme d'Erriche IV e de Gabrielle D'Estrées.

Borbóne de Frange

Prime de l'insediamènde 'nFrange de le Borbóne, la famígghie reale jève chèdde de le Valois, ca che le guèrre de religgióne avève perdute tanne reggióne, come chèdde d'u Midi-Pyrénées. Chisse fatte avèvene levate à le Valois tanne consènze 'nd'à l'opinióne pubbleche.

La dinastíe de le Borbóne tení la Frange che Erriche IV, 'nd'o' 1589, dope la guèrre de le tré Erriche. Erriche de Borbóne jève u ré d'u réigne piccinònne de la Navàrre; discendènde pe righe maschíle da Luígge IX de Frange, Erriche III, ré de Frange, 'nge dí u titele de erède suje, condre Erriche de Guíse.

Erriche de Borbóne, de fède ugonòtte, pe fasse accettà da le frangése tènne ca declaràrse cattòleche. Jinde à chèdde occasióne discí la famóse frase <<Parígge vale bène à messe>>, pe disce ca nan jève tanne convínde. 'Nd'o' 1598, u ré emaní u famòse editte de Nantes, ca proclamàve la libberté religgióse 'nFrange. Poche dope spartí l'ex réigne jinde à du parte, la parte d'u sud scí à l'Ispàgne, chèdde d'u nord scí à la Frange: cusse jève u prizze pe la pasce e la reconquíste d'u sud de la Frange.

Merí pe mane de nu religgióse u 1610, dope 21 janne de réigne. 'Nge scí dopo u fígghie, angóre piccinònne, Luígge XIII

La dinastíe de le Borbóne aví potère figne à la Revoluzzióne frangése e o' muzzamènde de cape de Luígge XVI (Scennare 1793), pure ce dope Napoleòne 'nge so' state otre du ré de chèsse dinastíe: Luígge XVIII e Carle X.

U chiú granne personàgge de chèsse dinastíe fu Luígge XIV, "u Ré Sole", ca reignò d'o' 1643 o' 1715 e ca seguí na deffiscele políteche militàre, ca fésce de la Frange la chiú granne potènze d'Európe. Pedènne la Frange, sotte u réigne suje, uní tanne reggióne de l'Impére germàneche, ca perdí 'nd'o' 1697, che la pasce di Rijswich, tranne pe la cettà de Strasbúrghe, prime cettà da jidde pegghiàte. Mègghia sorte tení la políteche de le colònie: conquistò u Senegàl. Che la uèrre de successiòne spagnóle (1701-1714), le Borbóne pegghiàrene u trone d'Ispàgne che Filíppe V, nepote de Luígge XIV.

Borbóne d'Ispàgne

Otre rame de la famígghie Borbóne se pegghiàrene trune de otre paíse d'o' XVIII sèchele. U prime fu cudde de le Borbóne d'Ispàgne. U cape sope à tutte Felippe V, nepote de Luígge XIV, ca numenàte erède 'nd'o' testamènde de Carle II, vènne fatte ré d'Ispàgne u 2 Ottòbre 1700; ma jidde vènne recanesciúte da le monarchíe d'Európe asselúte che le trattàte de Utrecht e de Rastatt ca mettèvene fine à la uèrre de successióne spagnóle (1701-1714).

Le ré de chèsse famígghie, addó u asselúte personàgge pringipàle jève Carle III (1759-1788, gé ré figne o' 1759 de Napele e de Sicílie c'u nome de Carle III), 'nge stévene brutte timbe; du volde fuèrene levate d'o' trone (1808 e 1868), tènnere ca affrondà uèrre cevile (uèrre carlsíte) e abbandunà l'Ispàgne 'nd'o' 1931 sèmbe sènze abbandunà le deritte lore. Pedènne le Borbóne sonde arréte suse o' trone che Juan Carlos I, fígghie d'u pretennènde Giuànne, ca, 'ndecate d'o' 1969 accóme successóre d'u scenerale Francisco Franco, jè ré d'Ispàgne d'o' 1975.

Borbóne de Nàpule

Nu seconde rame fu cudde de le Borbóne de Nàpule: le Borbóne de la Chése Reale de le Du Sicílie, fundàte 'nd'o' 1734 d'o' fígghie de Felippe V d'Ispàgne e Lesabbètte Farnése, u gé ditte Carle de Borbóne. Salite cusse o' trone d'Ispàgne (1759) c'u nome de Carle III, dope nu guvèrne à Nàpule c'a passàte à la stòrie pe le reforme suje pe reparà malànne de tanne sèchele prime, 'nge scí dope u tèrze fígghie Ferdinànde IV de Nàpule e III de Sicílie, ca, percé avéve auníte le du Réigne dope u Trattàte de Casalànze segnate vecine Capua u 20 magge 1815, pegghiò u nome de Ferdinànde I de le Du Sicílie e guvernò pe tanne timbe figne o' 1825, che interruzzióne piccinónne, sope à la parte condinendàle d'u réigne, 'nd'o' 1799 (Repubbleche Napuletàne) e 'nd'o' 1806-1815 (réigne de Giusèppe Bonapàrte e de Giuacchíne Murat).

À jidde scirene dope figne o' 1860, quanne u Réigne de le Du Sicílie fu azzeccàte o' Réigne de Sardègne, Frangíscke I (1825-1830), Ferdinànde II (1830-1859) e Frangíscke II (1859-60), juldeme ré ca guvernàrene u réigne d'u sud d'Itàlie, appíme de l'Uneté.

La dinastíe:

Carle (1716 - 1788), Ré de Nàpule e de la Sicílie d'o' 1734 o' 1759
Ferdinànde IV (1751 - 1825), Ré de Nàpule e III de Sicílie d'o' 1759 o' 1815, jè Ré de le Du Sicílie c'u nome de Ferdinànde I d'o' 1815 o' 1825
Frangíscke I (1777 - 1830), Ré de le Du Sicílie d'o' 1825 o' 1830
Ferdinànde II (1810 - 1859), Ré de le Du Sicílie d'o' 1830 o' 1859
Frangíscke II (1836 - 1894), Ré de le Du Sicílie d'o' 1859 o' 1861, quande vène cacciàte
Alfònso (1841 - 1934), Conde de Casérte d'o' 1841, Cape de la Chése Reale e Duche de Castre d'o' 1894 o' 1934
Ferdinànde Pie (1869 - 1960), Duche de Calàbbrie d'o' 1894 o' 1934, Cape de la Chése Reale e Duche de Castre d'o' 1934 o' 1960
Raníre (1883 - 1973), Cape de la Chése Reale e Duche de Castre d'o' 1934 o' 1973
Ferdinànde (1926 - 2008), Duche de Calàbbrie d'o' 1934 o' 1973, Cape de la Chése Reale e Duche de Castre d'o' 1973, se zite 'nd'o' 1949 che Chantal de Chevron-Villette (1925 - 2005)
Carle (1963), Duche de Note d'o' 1963 o' 1973, Duche de Calàbbrie d'o' 1973, se zite 'nd'o' 1998 che Camilla Crociani (1971).

Ma u Ré d'Ispàgne, gnorànne la trasúte 'nd'à la Chése Reale suje de cusse rame, recanòsce accóme Cape de la R. Chése de le Du Sicílie de josce u cuggíne S.A.R. u Príngepe Don Carlos (1938) 'Nfante d'Ispàgne e Duche de Calàbbrie.

Borbóne de Parme

Juldeme rame fatte fu cudde de le Borbóne de Parme, addó u cape prime de tutte fu u fígghie cadètte de Felippe V, don Felippe (1720-1765), ca u nepote Ludovíche I avéve scangiàte u Ducàte de Parme c'u Réigne d'Etrúrie pe l'mbosezzióne de Napoleòne Bonapàrte 'nd'o' 1802.
Levate pure da cusse trone, la famígghie de le Borbóne-Parme o' Congrèsse de Viènne aví u Ducàte de Lucche, aspettànne de avé, à la morte de Maríe Luíse d'Asbúrghe-Loréne, cudde de Parme. Tutte cusse fatte s'avúte 'nd'o' 1847 che Carle II ca, dope nu timbe de réigne non condínue, lassò u trone 'nd'o' 1849. U successóre suje Carle III fu accíse 'nd'o' 1854 e u juldeme duche, u piccinònne Robbèrte, fu levate d'o' trone per la rivoluzzióne d'u 1859 ca pertò à l'aunificazzióne tajàne.
U rame 'nge sté angóre e, d'o' 1964, le nepute de Robbèrte sonde Grandúche d'u Lussembúrghe.

Borbóne-Orléans

Rame de la famígghie da Felippe I de Borbóne-Orléans, fígghie menore d'u ré de Frange Luígge XIII, e pedènne frate d'u Ré Sole Luígge XIV. Le mèmbre de chèsse famígghie fuèrene sèmbe vecine à la famígghie reale, figne à devendà na "dinastíe muríscene". Ce Luígge Felippe, chiamàte "Felíppe Égalité", fu u asselúte nobbele de sangre reale à appuggià attivaménde la rivoluzzióne, figne o' punde de votà à favóre de l'esecuzzióne d'u cuggíne Luígge XVI, tanne da fà odià da le discendènde suje na granne parte de le ré frangése. Ma à jidde 'nge tagghiàrene la cape.

'Nd'o' 1830, dope la Rivoluzzióne de luje ca portò à la nuéve cacciàte de Carlo X, la chése d'Orléans pegghiò u trone c'u "ré borghése" Luígge Felippe, fígghie de Felippe Égalité: jidde stètte à reignà accóme ré costituzzionàle, c'u titele de ré "de le Frangése" e no "de Frange", ma lassò u trone pe la Rivoluzzióne d'u 1848. Josce le discendènde suje, de Firènze, sonde le pretennènde o' trone de Frange.

Línie secondàrie

Borbóne-La Marche (muèrte)
Borbóne-Montpensier (muèrte)
Borbóne-Condé (muèrte)
Borbóne-Conti (muèrte)
Borbóne-Orléans-Braganza (chiamàte Chése d'Orléans-Bragànze)
Borbóne-Orléans-Galliera (morganàteche; chiamàte Chése d'Orléans-Galliére)
Borbóne-Siviglia (morganàtiche)
Borbóne-Busset (illegítteme)
Borbóne-Vendôme (illegítteme; muèrte)
Borbóne del Maine (illegítteme)
Borbóne-Penthièvre (illegítteme)