Portale:Tarde/Storia
Tarde, pe resistere a 'a putenze de Rome, s'alleò cu Pirro, Re de l'Epiro e nepote de Alessandre Magne, 'u quale mannò 'u luechetenende sue, Milone, cu 'n'esercite de cchiù o mene 30.000 uemmene e 20 elefande, obbliganne le Tarandine valide a arruolarse. Le scondre 'mbrà epirote e romane devendarene sembre tuèste tuèste e costose cumme numere de crestiane muèrte: 'a famose Battagghie de Heraclea d'u 280 n.C, ca vedìe protagoniste 'u console romane Publio Valerio Levino e 'u stesse Pirro, custò 7.000 muèrte, 2.000 priggiunire e 15.000 ferite 'mbrà le romane invece 4.000 muèrte e 'nu sbuènne de ferite se cundarene 'mbrà le grecie. Le successe de le epirote avenèrene raggiunde grazie a 'a presenze jndr'à battagghie de le elefande da uerre, animale tande imbonende quande scanusciute a le leggionarie romane.