Руськый Потік

Руськый Поток
	Вход до села
Давны назвы	Oroszpatak (мад.)
Штат	Словакия
Край	Пряшовскый
Окрес	Снинскый
Сельскый уряд	Руськый Поток
Координаты	49°01′43″ с. ш. 22°24′37″ в. д. / 49.028611° с. ш. 22.410278° в. д. (G) (O) (Я)
Розлога	12,88 км²
Надморска вышка	440 м
Обывательство	137 особ (2016)
Часова зона	UTC+1, влѣтѣ UTC+2
Телефонный код	+421-57
Поштовый индекс	067 66 (pošta Kolbasov)
ŠÚJ	520764
Официалный сайт	[Оbec Ruský Potok] (слов.)
	Руськый Поток

Руськый Поток (по словен. Ruský Potok) — село в Словакии в Пряшовском краю в окресѣ Снина.

Полога

Село лежить в горской краинѣ середной части Буковскых Верхох в надморской вышцѣ около 440 м. Оддалене од окресного мѣста Снина о 29 км. Односить ся ку охранному пасму Народного парка Полонины.

История

Перва упоминка о селѣ походить з року 1598. Осаду заложив шолтыс на валашском правѣ в другой половцѣ 16. ст. на маетку панства Гуменне, котрого панами были тогды Другеты. В року 1715 ту было 6 заселены фундушы и 6 незаселены. Року 1720 уже фунговав млин.^[1] В року 1740 высвятили грекокатолицку церковь Св. Архангела Михаила. В року 1828 было 40 хыж и 299 обывательох.^[2]

В року 1851 мадярскый землеписець Елек Феньеш писав:

Поток (Руськый), руське село, в жупѣ Земплин, филиалка Снины, 390 грекокатолицкых, 9 жидовскых обывательох, гористый готарь, 427 голды ораницѣ...
— Fényes Elek

В Первой свѣтовой войнѣ деревяны хыжѣ села выгорѣли.^[3] В конци року 1914 село было заняте российскым войском.^[1]

В роках 1939–1944 было недобровольно в гортийовской Мадярщинѣ. Молодых хлопцьох забрали до войска и одослали на фронт Другой свѣтовой войны, межи нима были Иван Ружанич, Василь и Юрко Параскы и другы. Часть из них перешла до славянскых братох и девятероме войовали в армадном зборѣ генерала Свободы.^[3]

Днешность

Днесь в селѣ жиють 134 обывателѣ, з них 69 евидованы як Русины в списованю 1991, а 128 собѣ записали русинскый язык як материнскый.^[3]

Вызначны родаци

Марія Мальцовска (1951—2010)^[4]

Памяткы

Церковь Св. Архангела Михаила з року 1740 (NKP)

Жерела и одказы

Fényes Elek. Magyarország geographiai szótára, mellyben minden város, falu és puszta, betürendben körülményesen leiratik. Pest. 1851.
Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. ISBN 80-85137-15-1.
Руськый Поток (видео)

Референции

↑ ^1,0 ^1,1 Ковач Ф., с. 472.
↑ История на сайтѣ села
↑ ^3,0 ^3,1 ^3,2 Руськый Поток. // Нашы села. Радио Rusyn.fm 2017-07-01.
↑ Александер Зозуляк. Умерла вызначна особность русиньской літературы i журналістікы ПгДр. Марія Мальцовска]// info РУСИН. — 2010, ч. 18–19 (октобер), с. 1.

[К-1] 1,0 ^1,1 Ковач Ф., с. 472.

[2] История на сайтѣ села

[R-3] 3,0 ^3,1 ^3,2 Руськый Поток. // Нашы села. Радио Rusyn.fm 2017-07-01.

[4] Александер Зозуляк. Умерла вызначна особность русиньской літературы i журналістікы ПгДр. Марія Мальцовска]// info РУСИН. — 2010, ч. 18–19 (октобер), с. 1.

[1]

[2]

[3]

[4]