Saint Lucia

Coordinadas: 13°53′N 60°58′W / 13.883333°N 60.966667°W13.883333; -60.966667

Artìculu in LSC

Saint Lucia^[1]^[2]^[3] (a bortas incurtzadu St. Lucia^[4]; fintzas Santa Lughia in sardu) est un'istadu insulare de su Commonwealth in Amèrica tzentrale, intre su Mare de sos Caràibes orientale e s'Otzèanu Atlànticu; s'agatat in sas Antillas Minores, a norte de Saint Vincent e sas Grenadinas e a sud de sa Martinica. S'ìsula tenet istèrrida de 620 km² e contat populatziones de unos 174.267 bividores. Sa capitale est Castries.

A longu protetoradu de su Regnu Unidu, at otentu dae custu s'indipendèntzia su 22 freàrgiu 1979 cuntestualmente est intradu a fàghere parte de su Commonwealth. Su Capu de istadu est su monarca britànnicu.

Sos primos a populare s'ìsula sunt istados sos arahuacos a inghìriu a su de III sèculos p.C. A issos si fiant agiuntos a pustis sos caribes. Si retenet intames chi su primu europeu a lòmpere a s'ìsula siat istadu s'esploradore ispagnolu Juan de la Cosa a inghìriu a su 1500. Saint Lucia est istada batijada cun su nùmene de sa santa originària de Siracusa a banda de sos frantzesos, primos colonizadores europeos. Saint Lucia, mescamente a càusa de s'importu istratègicu de su portu naturale de Castries, est istadu a longu causa de perricas intre Frantza e Bretagna Manna, cambiende de propiedade pro bellu che 14 bortas intre su de 17 e su de 18 sèculos. Est istadu petzi in su 1814 chi sos britànnicos sunt resissidos a s'afirmare definitivamente. Si ddi narat fintzas Alena de sos Caràibes pro su càmbiu continuu de soberania intre sa Frantza e s'Inghilterra. Craras rastas de sa dominatzione frantzesa abarrant in sos nùmenes de sos tzentros e de sas localidades de s'ìsula.

A longu possedimentu britànnicu, Saint Lucia at fatu parte pro pagos annos (1958-62) de sa Federatzione de sas Ìndias Otzidentales. A pustis de àere otentu s'autoguvernu in su 1967, s'ìsula est imbàtida a s'indipendèntzia su 22 freàrgiu 1979.

Àteros progetos

Wikimedia Commons tenet files chi ligant a: Category:Saint Lucia

Notas

[1] treccani.it, http://www.treccani.it/enciclopedia/saint-lucia/.

[2] sapere.it, http://www.sapere.it/enciclopedia/Saint+Lucia.html.

[3] sapere.it, http://www.sapere.it/enciclopedia/Saint+Lucia.html.

[4] J.M. Dent & Sons.

[E-5] 1.0 ^1.1 ^1.2 ^1.3 ^1.4 ^1.5 ^1.6 Dipendèntzia de su Regnu Unidu

[D-6] 2.0 ^2.1 ^2.2 ^2.3 ^2.4 ^2.5 Natzione costitutiva de su Regnu de is Paisos Bàscios

[A-7] Dipendèntzia de sa Danimarca

[B-8] 4.0 ^4.1 ^4.2 ^4.3 ^4.4 ^4.5 ^4.6 Dipartimentu, colletividade o territòriu ultramarinu de Frantza

[C-9] 5.0 ^5.1 ^5.2 Dipendèntzia de Istados Unidos de Amèrica

[1]

[2]

[3]

[4]

[1]

[2]

[3]

[4]

[5]