Acchianari e scinniri scali dî tribbunali
Acchianari e scinniri scali dî tribbunali eni na sprissioni ca si usa pi diri ca na cosa arrisurta diffìcili di fari o ca fà pèrdiri assai tempu, p'asèmpiu quannu s'hann'a spurigghiari ducumenti e unu è custringiutu a fari cudi, addumannari e jiri pedi pedi a furriàri pi nu munzieddu d'uffici dâ pùbbrica amministrazzioni.
O, a secunna di cui o di chi si sta parrannu, si cci pò rifiriri macari a quarchidunu ca s'hà passatu ntâ sò vita na pocu di tempu 'n càrciri.
Sta sprissioni di sòlitu si dici cu suffirenza picchì signìfica pèrdiri tempu appressu ê camurrìi, oppuru ca s'hà avutu guai cu la liggi.
Asèmpiu d'usu
[cancia | cancia la surgenti]Ma tu lu sai quantu tempu mi cci vosi p'aviri lu passaportu? Nn'appi acchianari e scìnniri scali di Tribbunali ca tu mancu t'û mmàggini!
Stu cristianu secunn'a mia è unu ca nun m'â cunta giusta: nn'hà acchianatu e scinnutu scali di Tribunali ntâ sò vita !
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia la surgenti] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |