Liggi Pica
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
La liggi Pica ('n talianu legge Pica) pigghia lu nomu di lu sò prumuturi, lu diputatu abbruzzisi Giuseppe Pica. Fu prumulgata di lu parramentu di la Destra storica e fatta upirativa di jornu 15 di austu 1863, arristau 'n valuri nzinu a lu 31 di dicèmmiru 1865.
Prisintata prima comu mezzo eccezionale e temporaneo di difesa di lu statu talianu, la liggi vulìa fari accapari lu finòminu di lu Banditìsimu ntî lu Menzujornu, stitujennu tribbunali militari ntî lu tirritoriu e pirmittennu la riprissioni di qualegghiè risistenza: si parrava, 'n pratica, di l'applicazzioni di lu statu d'assediu nternu.
Senza la nicissità di nu prucessu si putìanu mèttiri a l'arresti dumiciliari li vagabbunni, li genti senza na uccupazzioni fissa, li suspetti favurituri di camurristi e banditi, nzinu a nu annu di riclusioni. Ntî li pruvincia annincati comu ampistati di banditi tutti li gruppi armati di cchiossai di tri pirsuni putìanu èssiri judicati di la corti marziali.
A la suspinsioni di li diritti custituzzionali si jìanu accumpagnannu cosi comu la punizzioni cullittiva pi li riati di li sìnguli pirsuni e li rapprisagghi contru li villaggi.
Lu contingente di pacificazione era furmatu a l'accuminciari di 100.000 unità, la mità di l'esèrcitu talianu, comu si era na vera e propia verra.
Li morti pi li riprissioni foru cchiossai di tutti chiddi alliati ccu lu Risurgimentu.
Mutivi di l'arribbillamentu
[cancia | cancia la surgenti]A lu tempu di li Burboni li Siciliani nun avìanu mai jutu a fari lu sirvizziu militari, l'applicazzioni di la cuscrizzioni ubbligatoria, già di lu 1861, fu la causa di la prima ribbilliuni. Lu sirvizziu militari durava 5 anni, privari li famigghi di li sò carusi pi tuttu stu tempu significava cchiù picca pussibbilità di putiri travagghiari la terra, chistu, pi assai genti, jia ad addivintari la morti sicura. Lu statu talianu ntî lu estènniri tali fatti a lu Sud era comu si lu mittìa a la fami, tanti, pi chissu, prifirenu arristari cantu a li famigghi e dàrisi a lu banditìsimu cchiuttostu di jiri a sèrviri nu statu ca già jìanu sintennu troppu luntanu di li sò ntiressi.