Kezisnjunkuškástâh
| Kezisnjunkuškástâh Numenius tenuirostris (Vieillot, 1817) |
|
|---|---|
.jpg) |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Riddolodeh Charadriiformes |
| Vyelilahko | Kalâččeijeeh Charadrii |
| Hiäimu | Miähástuvah Scolopacidae |
| Suuhâ | Stuorrâkuškástuvah Numenius |
| Šlaajâ | tenuirostris |
Kezisnjunkuškástâh (Numenius tenuirostris) lii suvâttum loddešlaajâ, mii kuulâi stuorrâkuškástuvváid (Numenius) suuhân.[1] Onnáá peeivi tuše motomeh tevdum lodeh kávnojeh museost.[2]
Olgohäämi já eellimvyevih
[mute | mute käldee]Kezisnjunkuškástâh sulâstitij olgoldâs tobdomerhâidis tááhust ennuv táválii kuškástuv, mii lii tot-uv majemui love ive ääigi monâttâm ennuv eellimkuávluidis. Kezisnjunkuškástuvvâst iä lah pááccám ennuv tiäđuh, tastko tot lii lamaš härvinâš lodde. Tommittáá tast kuittâg tiättoo, et tot lii tálvástâllâm Koskâmeerâ kuávlust.[2]
Lavdâm
[mute | mute käldee]Kezisnjunkuškástuv eellimpiirâs lâi viehâ viijđes: šlaajâ iälustij Koskâ-Aasiast Afrik taveviestârriidon já Nuorttâ-Euroopist ain Aldanuortâ já Koskâmeerâ räi. Taat šlaajâ ij lah kuássin kavnum Suomâst.[2]
Suhâjäämmim
[mute | mute käldee]Majemustáá kezisnjunkuškástâh lii boŋgajum kuovâmáánust 1995 Marokkost Merja Zerga laaguunkuávlust. Tutkâmušâst arvâluvvoo, ete šlaajâ suvâttui tuođânálásávt forgâ ton maŋa.[3]
Tutkâmuš mield lii arvâlum, ete kezisnjunkuškástuv meeri lii kiäppánâm ubâ moonnâm ihečyeđe ääigi. Jo ive 1912 váruttui tast, et loddenääli lâi lappuumin. Almugijkoskâsâš luándusuojâlemlitto kuittâg kulluuttij eskin 1980-lovvoost, ete šlaajâ lii uhkevuálásâš.[2]
Totkeeh iä tárkká tieđe suujâ šlaajâ suvâttuumán. Sij vyerdih, et suujah láá maaŋgah, tego šlaajâ eellimkuávlu káržum já meid nubástumeh lode pessimkuávluin.[4]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Kezisnjunkuškástâh.
Käldeeh
[mute | mute käldee]- ↑ Slender-billed Curlew iucnredlist.org. Čujottum 26.11.2024. (eŋgâlâskielân)
- ↑ 2,0 2,1 2,2 2,3 Schreck, Jasmina: Kezisnjunkuškástâh lii suvâttum anarasaavis.fi. 25.11.2024. Čujottum 26.11.2024.
- ↑ Buchanan, Graeme M. et al.: Global extinction of Slender‐billed Curlew (Numenius tenuirostris). Ibis, 17.11.2024. doi:10.1111/ibi.13368. ISSN 0019-1019. Artikkâl nettiversio Čujottum 26.11.2024. (eŋgâlâskielân)
- ↑ Na 29 jaar is de dunbekwulp nu officieel uitgestorven nos.nl. 18.11.2024. Čujottum 26.11.2024. (hollandkielân)