Olav Garvik

Olav Johannes Garvik er fødd i Ogna (no Hå) i Rogaland. Han tok examen artium ved Rogaland off. landsgymnas i 1963 og vart cand.mag. ved Universitetet i Bergen i 1969 med faga norsk, historie og samfunnskunnskap.

Han var journalist i Bergens Tidende i 1969–1978, sjefredaktør i Porsgrunns Dagblad i 1979, deretter igjen journalist i Bergens Tidene i 1980–1987, redaksjonssekretær, leiar av politisk avdeling og leiarskribent i 1987–1995 og journalist i 1995–2009. I Bergens Tidende skreiv han både bokmål og nynorsk. Etter at han slutta i avisa har han vore frilansjournalist.

Han har skrive mellom anna Da Venstre sprakk (1982), Kristelig Folkeparti mellom tro og makt (1983), Henrik Ameln. Mennesket bak replikkene (1992), Wollert Konow. Statsminister og stril (2001), Bent Røiseland. Statsministeren vi ikke fikk (2003 saman med Marianna Røiseland og Jens Vetland) og Sponheim uautorisert (2010 saman med Olav Kobbeltveit).

Garvik var formann i Studentvenstrelaget i Bergen i 1966, formann i Norges Liberale Studentforbund i 1967–1968, medlem av landsstyret i Norges Unge Venstre i 1967–1968 og formann i Studentersamfunnet i Bergen i 1968. I 2011 vart han tildelt Bergen Journalistlags heiderspris.

• norsk presses historie
• Bergens Tidende
• biografi
• journalistikk

• Nils E. Øy (red.): Pressefolk 1997. Institutt for Journalistikk 1998