Kamper
_20230315_180901.jpg)
Kamper téh nyaéta geutah nu asalna tina tangkal.[1] Kamper bisa laas jeung sok dipaké di jero lomari, supaya papakéan téh ulah ku geget.[1] Kecap kamper asal ucapan urang Arab tina "kafur" anu asalna tina basa urang kapur.[1][2]
Sajarah Kamper
[édit | édit sumber]Ti baheula kénéh, di Barus, nyaéta salah sahiji palabuan di Teluk Tapanuli Sumatra Wewengkon di Sumatera anu mindeng disebut-sebut, ditulis ti saprak abad ka-1 Masehi, hiji wewengkon di basisir kulon Sumatera, perenahna antara Sibolga sarta Singkel, anu ayeuna asup wewengkon Sumatera Kalér geus bisa ngaékspor sabangsa kapur nu disebut kapur barus.[1][3] Aya tilu wewengkon utama penghasil kamper di Asia Tenggara, nyaéta Sumatera, Semenanjung Malayu, sarta Bornéo.[3]
Saprak abad ka-6, urang Cina geus nyambungkeun kamper jeung barus minangka penghasil kamper éta sorangan.[3] Padagang-padagang Arab anu harita geus aya hubunganana jeung padagang Indonésia, ku maranéhna kapur barus dibawa ka nagarana, ti tanah Arab diékspor ka Éropa di antarana datang ka Vénésia, di dinya disebutna camphora, di Perancis disebutna campheré, di Inggris disebut camphor, tapi di Jérman disebutna kampfer, sedeng di nagri Walanda disebutna kamfer.[1] Anu disebut kamper nu diimpor ti Éropa ka urang sabenerna lain kapur barus, tapi asal tina hasil minyak tanah anu disebut naphtaline.[1]
Rujukan
[édit | édit sumber]- ↑ a b c d e f Danadibrata,R.A.2006.Kamus Basa Sunda.Bandung:Kiblat Buku Utama
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ a b c Majalah Tempo Online, Tentang Kapur Archived 2011-06-24 di Wayback Machine(Situs Diakses Ping 27 Oktober 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |