Portal:Keur lumangsung/2013

Désémber 2013

• 30 Désémber : Leuwih ti 100 urang maot lantaran pasukan anti-pamaréntah narajang sababaraha wangunan di Kinshasa, ibu kota Républik Démokratik Kongo.
• 29 Désémber : 2 bom maéhan manéh nyababkeun leuwih ti 30 urang maot di Volgograd, Rusia.
• 24 Désémber :Sanajan ayana kamungkinan perang sadulur, Déwan Kaamanan PBB satuju pikeun ngintun leuwih loba pasukan UNMISS ka Sudan Kidul.
• 23 Désémber :Sanggeus dibéréna grasi ka Mikhail Khodorkovsky, Rusia méré amnésti ka raloba tahanan panjarana.
• 22 Désémber :Pasanggiri Bola Tangan Putri Dunya 2013 ditutup kalawan Brasil kaluar salaku jawara sanggeus meunang ti Sérbia.
• 19 Désémber : Obsérvatorium antariksa Badan Antariksa Éropa, Gaia, diluncurkeun.
• 18 Désémber : Spésiés tapir anyar, Tapirus kabomani, kapanggih di Amazon.
• 17 Désémber : Sanggeus pamilihan umum féderal di Jérman, Kabinét Merkel III ti Kanselir Angela Merkel diresmikeun.
• 15 Désémber :Michelle Bachelet kapilih salaku Présidén Cilé pikeun masa jabatan nu kadua.
• 14 Désémber : Pacobaaan kudéta dilaporkeun lumangsung di Sudan Kidul nu ngarah ka patempuran jeung ratusan korban.
• 12 Désémber : Inohong Jamaat-e-Islami Abdul Quader Molla diéksekusi ti dakwaan kajahatan perang dina Perang Kamerdikaan Bangladés.
• 5 Désémber : Tilas Présidén Afrika Kidul sareng aktivis anti-apartheid, Nelson Mandela, pupus dina yuswa 95 taun.
• 5 Désémber : Déwan Kaamanan PBB nyatujuan Résolusi 2127, nyieun MISCA salaku bagian ti réspon pikeun karusuhan sipil di Afrika Tengah.
• 1 Désémber : Misi wahana bulan Cina nu kahiji, Chang'e 3, geus hasil diluncurkeun.

Séptémber 2013

• 29 Séptémber : Leuwih ti 50 mahasiswa ditelasan ku anggota Boko Haram di Institut Tatanén Gujba, Nigeria.
• 29 Séptémber : Wilson Kipsang Kiprotich ti Kénya janten jawara dina Maraton Berlin dina catetan wanci 2:03:23, nyieun hiji rékor dunya nu anyar.
• 27 Séptémber : Puluhan urang maot dina unjuk rasa naékna harga BBM di Sudan.
• 27 Séptémber : Panel Antarpamaréntah dina Parobahan Iklim medalkeun bagian kahiji ti Laporan Peunteun V IPCC.
• 25 Séptémber : Di balayar, Oracle Team USA unggul ti Team New Zealand janten jawara Piala Amérika.
• 24 Séptémber : Hiji lini skala 7,7 narajang Pakistan beulah kidul.
• 23 Séptémber : Tilas pulitikus Cina Bo Xilai didakwa hukuman saumur hirup dina kasus korupsi.
• 22 Séptémber : Topan Usagi nyababkeun urug di Guangdong, Cina, 50 urang maot.
• 22 Séptémber : Di Pamilihan umum féderal Jérman, Partéy CDU, dipingpin ku Angela Merkel, unggul sora pluralitas di korsi Bundestag.
• 22 Séptémber : Saeutikna 75 urang maot dina hiji bom maéhan manéh di hiji garéja di Peshawar, Pakistan.
• 17 Séptémber : Panyalametan kacilakaan Costa Concordia dilaksanakeun salaku panyalametan laut anu pangmahalna sadunya.
• 16 Séptémber : Topan Ingrid jeung Topan Manuel nyababkeun saeutikna 40 urang maot di Méksiko.
• 16 Séptémber :Caah di Nagara Bagian Colorado, Amérika Sarikat nyababkeun saeutikna 8 urang maot sarta ratusan lianna leungit.
• 14 Séptémber : Rokét Epsilon ti Jepang nyieun pangapungan kahijina, mawa satelit Hisaki ti Puseur Antariksa Uchinoura.
• 11 Séptémber : Saeutikna 43 urang maot dina hiji karusuhan Hindu–Islam di Muzaffarnagar, India.
• 11 Séptémber : Leuwih ti 1 yuta Urang Katalan baris nyieun rantéy manusa pikeun ngarojong kamerdikaan Katalonia.
• 10 Séptémber : Komite Olimpiade Internasional milih Thomas Bach salaku Présidén sarta nangtukeun Tokyo pikeun tuan rumah Olimpiade Usum Panas 2020.
• 9 Séptémber : Koalisi jangjang tengah-katuhu anu dipingpin ku Partéy Konsérvatif unggul sora mayoritas dina Pamilihan umum parlemén Norwégia 2013.
• 9 Séptémber : Lukisan Panonpoé Surup di Montmajour kauninga salaku karya Vincent van Gogh anu leungit.
• 7 - 9 Séptémber : Di ténis, Serena Williams kaluar salaku jawara nomor tunggal putri samentawis Rafael Nadal janten jawara dina nomor tunggal putra di pasanggiri ténis AS Kabuka 2013.
• 7 Séptémber : Koalisi Liberal–Nasional, nu dipingpin ku Tony Abbott, unggul sora mayoritas dina Pamilihan uum féderal Australia 2013.
• 2 Séptémber : Diana Nyad, dina yuswa 64 taun, janten jalmi kahiji nu ngojay ti Kuba ka Florida tanpa pangaman hiu.

Agustus 2013

• 30 Agustus : Bujangga Irlandia jeung panampi Panghargaan Nobel Sastra, Seamus Heaney, maot dina yuswa 74 taun.
• 30 Agustus : Jungkrang Gedé Lemah Héjo di jero lemah és di Lemah Héjo dipanggih sarta janten jungkrang anu pangpanjangna sadunya.
• 23 Agustus : Hiji karusuhan di komplék panjara Palmasola di Santa Cruz, Bolivia, nyababkeun leuwih ti 30 urang maot.
• 21 Agustus : Ratusan urang dilaporkeun maot lantaran tarajangan kimia di wewengkon Ghouta di Suriah.
• 19 Agustus : Caah di Cina kalér jeung Rusia wétan nyababkeun saeutikna 85 urang maot.
• 18 Agustus : Pasanggiri Atlétik Dunya 2013 di Moskwa ditutup kalawan Rusia kaluar salaku jawara medali emas.
• 16 Agustus : Ékuador ngumumkeun bakal dibukana deui Taman Nasional Yasuni pikeun pangeboran minyak, ahir ti inisiatif 6 taun pikeun nangtayungan leuweung hujan.
• 16 Agustus : Leuwih ti 100 urang leungit atanapi maot sanggeus kacilakaan antara MV St. Thomas Aquinas jeung hiji kapal kargo di deukeut Cebu, Pilipina.
• 15 Agustus : Lembaga Smithsonian ngumumkeun dipanggihna olinguito, sato karnivora anyar nu dipanggih di Amérika dina 35 taun.
• 15 Agustus : Ukiran batu di Situ Winnemucca di Nevada, Amérika Sarikat diperkirakeun asalna ti 10.500 taun baréto, ukiran batu anu pangheubeulna anu pernah dipanggih di Amérika Kalér.
• 15 Agustus : NASA ngumumkeun yén ruksakna téléskop antariksa Kepler teu bisa dibenerkeun, sacara resmi ngeureunkeun misina.
• 15 Agustus : Mesir ngumumkeun kaayaan darurat nagara sanggeus pasukan kaamanan nelasan ratusan démonstran anu ngarojong tilas présidén Mohamed Morsi.
• 14 Agustus : Kapal teuleum India INS Sindhurakshak lelep di Mumbai sanggeus sababaraha bitu.
• 12 Agustus : Leuwih ti 100 urang maot dina perang antarsuku di Darfur.
• 12 Agustus : INS Vikrant, kapal indung anu kahiji dijieun di India, diluncurkeun di Palabuan Cochin.
• 11 Agustus : Pamaén golf Amérika Sarikat Jason Dufner janten jawara dina Pasanggiri PGA 2013.
• 6 Agustus : Leuwih ti 160 urang maot dina caah di Apganistan jeung Pakistan.
• 5 Agustus : CEO Amazon.com Jeff Bezos ngumumkeun dibeulina The Washington Post dina harga AS$250 yuta.
• 4 Agustus : Pasanggiri Ngojay Dunya 2013 ditutup kalawan Amérika Sarikat kaluar salaku jawara umum.
• 3 Agustus : Robert Mugabe kapilih deui salaku Présidén Zimbabwé.
• 3 Agustus : Di rugbi union, Chiefs unggul ti Brumbies di final, janten jawara pasanggirir Super Rugby.
• 1 Agustus : Tilas analis intélijen Amérika Sarikat Edward Snowden dipasihan suaka saheulaan di Rusia.
• 1 Agustus : Mahkamah Agung Kasasi Italia mutuskeun satuju kana hukuman 4 taun pikeun tilas Perdana Mentri Italia Silvio Berlusconi dina tuntutan pamaokan pajak.
• 1 Agustus : Hiji spésiés primata anyar, Lemur leutik Lavasoa, dipanggih di Madagaskar.

Juli 2013

• 30 Juli : Mamnoon Hussain kapilih salaku Présidén Pakistan anu anyar.
• 28 Juli : Sanajan kacurigaan kasalahan dina jumlah sora, Partéy Rahayat Kamboja unggul dina mayoritas korsi Majelis Nasional.
• 27 Juli : Publicis jeung Omnicom satuju ngagabung anu jagana jadi grup pangiklanan anu panggedéna sadunya.
• 27 Juli : Pasukan kaamanan Mesir ngabedilan massa pro-Mohamed Morsi di Kairo, nelasan sababaraha urang.
• 25 Juli : Pamingpin oposisi Tunisia, Mohamed Brahmi, ditelasan di Tunis.
• 24 Juli : Hiji karéta anjlog di Santiago de Compostela, Spanyol. 78 urang maot.
• 21-22 Juli : Saruntuyan lini narajang Dingxi, Gansu, Cina. Saeutikna 95 urang maot sarta 1000 lianna karaheut.
• 21 Juli : Hiji patempuran antawis pamaréntah Kolombia jeung pemberontak FARC nyababkeun 19 prajurit jeung 6 pajoang FARC maot.
• 21 Juli : Sanggeus abdikasi ramana, Albert II, Philippe janten Raja Bangsa Bélgia.
• 21 Juli : Atlit sapéda ti Britania, Chris Froome, janten jawara dina Tour de France 2013.
• 18 Juli : Pamingpin oposisi Rusia, Alexei Navalny, didakwa 5 taun panjara dina tuntutan pamoékan.
• 18 Juli : Pamaréntah Detroit, kalawan tambut leuwih ti $20 yuta, kacutat salaku kabangkrutan kota anu panggedéna sapanjang sajarah Amérika Sarikat.
• 18 Juli : Élmuwan ngumumkeun dipanggihna Pandoravirus, hiji marga virus kalawan génom 2 kali leuwih gedé tibatan virus lianna.
• 16 Juli : Saeutikna 23 barudak maot di hiji sakola di Bihar, India, sanggeus ngadahar kadaharan nu ngandung sanyawa fosfor organik.
• 15 Juli : Pamingpin kartél narkoba Los Zetas, Miguel Treviño Morales, ditahan ku Angkatan Laut Méksiko.
• 15 Juli : S/2004 N 1, salahsahiji satelit alami Néptunus, kapanggih.
• 14 Juli : Partéy Démokrasi Rahayat unggul sora mayoritas dina Pamilihan umum Majelis Nasional Butan 2013
• 14 Juli : Angin Puyuh Soulik nyababkeun saeutikna 9 urang maot sarta 160 yuta urang lianna kapangaruh di Cina Wétan jeung Taiwan.
• 12 Juli : 6 urang maot dina kajadian anjlogna karéta di Brétigny-sur-Orge, Peranci, di deukeut Paris.
• 12 Juli : Hiji tim ti Kanada janten jawara dina Pasanggiri Sikorsky tina nyieun hiji hélikopter tanaga manusa.
• 11 Juli : Di Luksemburg, pamaréntahan Perdana Mentri Jean-Claude Juncker labuh sanggeus hiji skandal rusiah.
• 10 Juli : Caah di Cina nyababkeun saeutikna 46 urang maot sarta leuwih ti 220.000 urang ngungsi.
• 8 Juli : 10 bom bitu di salasahiji loka suci Buddha, Komplék Kuil Mahabodhi, di India. 5 urang karaheut.
• 8 Juli : Leuwih ti 50 pangrojong Présidén Mesir anu dikudéta, Mohamed Morsi, ditelasan dina hiji karusuhan jeung angkatan pakarang di Kairo.
• 7 Juli : Di ténis, Marion Bartoli janten jawara nomor tunggal putri sarta Andy Murray janten jawara nomor tunggal putra di Pasanggiri Wimbledon 2013.
• 6 Juli : Asiana Airlines Pangapungan 214 kacilakaan di Bandar Udara Internasional San Francisco, 2 uranh maot.
• 6 Juli : Karéta tanker anjlog di Lac-Mégantic, Quebec. 5 urang maot sarta saeutikna 30 wangunan ruksak.
• 6 Juli : Saeutikna 42 uran, kalobaanana murid sakola, ditelasan di hiji sakola di Nagara Bagian Yobe, Nigeria.
• 4 Juli : London Array, ladang angin leupas basisir anu panggedéna sadunya, diresmikeun.
• 3 Juli : Mohamed Morsi diturunkeun ti jabatan Présidén Mesir dina hij kudéta dina runtuyan kajadian démo gedé.
• 3 Juli : Raja Albert II ti Bélgia ngabéwarakeun rencana anjeunna dina abdikasi tahta ka putrana, Philippe.
• 3 Juli : Hiji lini narajang Acéh, Indonésia. Saeutikna 42 urang maot.
• 2 Juli : Uni Astronomi Internasional ngasahkeun ngaran Kerberos jeung Styx pikeun bulan ka-4 jeung ka-5 Pluto.
• 1 Juli : Misi Pasarikatan Bangsa-Bangsa MINUSMA mimiti ngalaksanakeun mandatna di Mali.
• 1 Juli : Kroasia janten anggota ka-28 Uni Éropa.

Juni 2013

• 28 Juni : Saeutikna 6 planét dipanggih, 3 di antarana kamungkinan aya dina zona kahirupan, ngorbit béntang Gliese 667 C.
• 27 Juni : DNA ti hiji kuda ti jaman Pléistosén Tengah geus hasil diruntuykeun, janten gén anu pangkolotna anu pernah diruntuykeun.
• 27 Juni : Tsakhiagiin Elbegdorj kapilih deui salaku Présidén Mongolia.
• 27 Juni : Orthotomus chaktomuk, dipanggih di Phnom Penh, diidéntifikasi salaku spésiés manuk anyar.
• 27 Juni : Kevin Rudd janten pupuhu Partéy Buruh Australia, unggul ti Julia Gillard sarta janten Perdana Mentri Australia.
• 25 Juni : Émir Qatar Syéikh Hamad bin Khalifa Al-Thani sacara resmi masihkeun kakawasaan anjeunna ka putrana, Tamim bin Hamad Al-Thani.
• 22 Juni : Caah di Alberta, Kanada, nyababkeun saeutikna 3 urang maot sarta rébuan lianna ngungsi.
• 21 Juni : Caah jeung taneuh longsor di Uttarakhand jeung Himachal Pradesh di India nyababkeun leuwih ti 1.000 urang maot sarta saeutikna 20.000 kakubur.
• 20 Juni : Haseup ti kagiatan ngahuma di Indonésia nyababkeun halimun haseup nu panggoréngna nu pernah kacutat di Singapura.
• 18 Juni : Tianhe-2 ti Cina asup kana daptar TOP500 superkomputer anu panggancangna sadunya.
• 18 Juni : Patepungan G8 ka-39 réngsé ku pasatujuan ngeunaan Perang sadulur Suriah, panghupusan pajak, jeung transparansi leuwih.
• 17 Juni : Perdana Mentri Céko Petr Nečas mundurkeun manéh sanggeus tuduhan korupsi.
• 16 Juni : Di golf, Justin Rose janten jawara dina Amérika Kabuka 2013.
• 15 Juni : Padumukan Quaid-e-Azam, loka sajarah di Ziarat, Pakistan, diruksak dina hiji panarajangan ku militan Pasukan Kamerdikaan Balochistan.
• 15 Juni : Hassan Rouhani kapilih salaku Présidén Iran.
• 13 Juni : Mahkamah Agung Amérika Sarikat satuju yén runtuyan DNA sacara alami heunteu bisa dipaténkeun.
• 12 Juni : Ilmuwan manggih Lapisan Dua, bagian ti kornéa manusa.
• 11 Juni : Yunani ngumumkeun ditutupna pausahaan panyiaran publikna, ERT.
• 11 Juni : Cina ngaluncurkeun Shenzhou 10, misi berawak nu ka-5 ti program antariksa Cina.
• 9 Juni : Dina ténis, Serena Williams jawara tunggal putri sarta Rafael Nadal jawara tunggal putra dina Perancis Kabuka 2013.
• 7 Juni : Hiji beus kaduruk di Xiamen, Cina, 47 urang maot.
• 6 Juni : City of Bohane, novel debutan beunangna pangarang Irlandia, Kevin Barry, jawara dina Panghargaan Kasusastraan Dublin IMPAC Internasional.
• 6 Juni : Badan Kaamanan Nasional Amérika Sarikat ngumumkeun program PRISM, anu ngaayakeun pangawasan kana data pamaké ti pausahaan téhnologi informasi utama.
• 5 Juni : Minangka tersangka dina tuntutan korupsi, tilas Perdana Mentri Slovénia Janez Janša didakwa hukuman 2 taun panjara.
• 5 Juni : Rangka balung primata anu pangkolotna nu kawanoh, Archicebus achilles, umur 55 yuta : taun, kadéskripsi tina hiji pamanggihan di Cina.
• 5 Juni : Di Perang Sadulur Suriah, pasukan pamaréntah ngawasaan deui kota Al-Qusayr.
• 4 Juni : Bangkong Hula anu engggeus kapanggih deui, saméméhna dianggep punah, diidéntifikasi salaku fosil hirup.
• 3 Juni : Saeutikna 119 urang maot dina kadurukan dina hiji pabrik di Jilin, Cina Kalér-Wétan.
• 1 Juni : Réspon kapulisian kana unjuk rasa aktivis lingkungan di Istanbul nyeungeut unjuk rasa anti-pamaréntah sa-Turki.
• 1 Juni : Astéroid (285263) 1998 QE₂ sareng bulanna aya dina jarak pangdeukeutna ka Marcapada pikeun 2 abad salajengna.

Méi 2013

• 30 Méi : Aurornis xui diidéntifikasi salaku spésiés dasar Avialae, kamungkinan ngagésér Archaeopteryx salaku spésiés manuk nu pangkolotna anu kawanoh.
• 28 Méi : Layanan mata uang digital Liberty Reserve dipareumkeun sarta dituntut kana transaksi kauangan ilégal saloba 6 milyar AS$.
• 26 Méi : Di balap sapéda jalanan, Vincenzo Nibali ti Italia janten jawara dina Giro d'Italia 2013.
• 26 Méi : Di krikét Twenty20, Mumbai Indians unggul ti Chennai Super Kings, janten jawara Liga Primér India 2013.
• 26 Méi : Blue Is the Warmest Colour, nu disutradaraan ku Abdellatif Kechiche, meunang Palme d'Or dina Féstival Pilem Cannes 2013.
• 25 Méi : Panarajangan ku sakelompok Maois kana pajabat-pajabat Kongrés Nasional India di Chhattisgarh, India, nelasan saeutikna 27 urang.
• 24 Méi : Di maén bal, Bayern Munchen unggul ti Borussia Dortmund, janten jawara Liga Champions UEFA pikeun kalima kalina.
• 23 Méi : Karusuhan lumangsung sababaraha poé di Stockholm, Swédia.
• 22 Méi : Panulis ti Amérika Sarikat, Lydia Davis, meunang Panghargaan Internasional Man Booker.
• 22 Méi : Saurang prajurit Britania ditarajang jeung ditelasan ku 2 urang di London.
• 20 Méi : Di Pasanggiri Ténis Méja Dunya 2013, Zhang Jike meunang nomor tunggal putra samentawis Li Xiaoxia meunang nomor tunggal putri.
• 20 Méi : Hiji tornado skala EF5 narajang wewengkon deukeut Oklahoma City di Amérika Sarikat, leuwih ti 24 urang maot.
• 19 Méi : Di hoki és, Swédia kaluar salaku jawara dina Pasanggiri IIHF Dunya 2013, unggul ti Suis di final.
• 18 Méi : Only Teardrops beunang panembang ti Dénmark Emmelie de Forest meunang Kontés Tembang Eurovision 2013.
• 18 Méi : Di rugbi union, Toulon kaluar salaku jawara dina Piala Heineken 2012–2013, unggul ti Clermont di final.
• 17 Méi : Karusuhan nu ningkat di Irak nyababkeun leuwih ti 170 urang maot di leuwih ti 3 poé.
• 16 Méi : Siklon Mahasen narajang sabagian Asia Kidul jeung Tenggara, leuwih ti 90 urang maot.
• 13 Méi : Situs sajarah Maya, Nohmul, di Bélis kalobaanana ancur ku pangaruh kontraktor nu néangan material wangunan.
• 12 Méi : Partéy Rahayat Pamekaran Éropa Bulgaria, dipingpin ku Boyko Borisov, unggul pluralitas dina Pamilihan umum parlemén Bulgaria 2013.
• 12 Méi : Paruntuyan gén ti Utricularia gibba ngahasilkeun yén génomna ngan boga 3% DNA non-kode.
• 12 Méi : Liga Muslim Pakistan unggul pluralitas dina Pamilihan umum Pakistan 2013.
• 12 Méi : Pangadilan Guatemala mutuskeun yén tilas diktator militér, Efraín Ríos Montt, bersalah dina tuntutan génosida jeung kajahatan kamanusaan.
• 11 Méi : Saeutikna 42 urang maot tina 2 bom di Reyhanlı, Turki.
• 10 Méi : Pangukuran kadar karbon dioksida di atmosfér Marcapada nunjukeun angka leuwih ti 400 ppm, angka nu pangluhurna saprak jaman Pliosén.
• 8 Méi : Partéy Pagawé Kurdistan mimiti angkat ti Turki sanggeus hiji pasatujuan gencatan pakarang.
• 8 Méi : Roberto Azevêdo diumumkeun salaku Diréktur Jéndral Organisasi Perdagangan Dunya nu anyar.
• 7 Méi : Saeutikna 23 urang maot dina hiji kacilakaan jeung bitu ti treuk tangki deukeut Kota Méksiko.
• 6 Méi : Pasanggiri Biliar Dunya 2013 réngsé kalawan Ronnie O'Sullivan unggul ti Barry Hawkins.
• 5 Méi : Barisan Nasional meunang sora mayoritas dina Pamilihan umum Malaysia 2013.
• 4 Méi : Pesawat tempur Israél narajang sababaraha lokasi di Suriah beulah kidul-kulon, deukeut Damaskus.
• 2 Méi : Panalungtik Harvard ngumumkeun robot ngapung nu pangleutikna nu pernah dijieun.

April 2013

• 30 April : Willem-Alexander janten Raja Walanda.
• 30 April : Uni Éropa mimiti larangan 2 taun pikeun inséktisida néonikotinoid, nu dianggep salaku sumber utama nu nyababkeun leungitna koloni.
• 29 April : Obsérvatorium Angkasa Herschel, hiji téléskop luar angkasa infra-beureum jauh, ngaréngsékeun misina sanggeus hélium cairna béak.
• 27 April : Partéy Kamerdikaan jeung Partéy Kamajuan meunang mayoritas sora dina Pamilihan umum parlemén Islandia 2013.
• 26 April : Pamarétnah Sudan Kidul ngumumkeun yén kelompok pemberontak Tentara Pembébasan Sudan Kidul enggeus nurunkeun pakarangna.
• 24 April : Enrico Letta dipilih minangka Perdana Mentri Italia sanggeus pamilu.
• 24 April : Munara Masigit Raya Aleppo ti abad ka-11 di Aleppo, Suriah, ancur dina patempuran perang sadulur.
• 24 April : Saeutikna 300 urang maot sarta 1.000 lianna karaheut dina ambrugna hiji wangunan di Savar, deukeut Dhaka, Bangladés.
• 23 April : Pangusaha Britania, James McCormick, dikeunakeun dakwaan panipuan ku sabab ngical détéktor bom palsu ka badan militér jeung kapulisian di sababarah nagara.
• 23 April : Horacio Cartes kapilih minangka Présidén Paraguay, samentawis partéyna, Partéy Colorado, meunang mayoritas korsi Kongrés.
• 21 April : Orbital Sciences Corporation ngaluncurkeun rokét Antares pikeun kahiji kalina, nu mawa makét wahana anatariksa Cygnus ka orbit.
• 21 April : Tsegaye Kebede ti Étiopia jeung Priscah Jeptoo ti Kénya kaluar salaku jawara kategori putra jeung putri dina Maraton London
• 20 April : Giorgio Napolitano kapilih deui minangka Présidén Italia.
• 20 April : Lini skala 6,6 narajang Kabupatén Lushan, Ya'an, di Propinsi Sichuan, Cina, langkung ti 150 urang maot sarta rébuan karaheut.
• 19 April : Sérbia jeung Kosovo, dirojong ku Uni Éropa, satuju kana normalisasi hubungan bilateral.
• 16 April : Bitu di fasilitas gemuk di West, Téksas, ngancurkeun leuwih ti 75 wangunan, 14 urang maot sarta leuwih 200 urang lianna karaheut.
• 16 April : Lini skala 7,8 narajang Propinsi Sistan jeung Baluchestan, Iran, lini pangkiatna di Iran dina 40 taun ieu.
• 15 April : Bom ngabeledug di sababaraha bagian Irak nelasan leuwih ti 50 urang sarta 300 lianna karaheut.
• 15 April : 2 bom ngabeledug di deukeut gurat ahir hiji maraton di Boston, nelasan saeutikna 3 urang sarta 180 lianna karaheut.
• 14 April : Sanggeus maotna Hugo Chávez, Nicolás Maduro kapilih salaku Présidén Vénézuéla.
• 14 April : Di golf, Adam Scott janten jawara di Masters Tournament.
• 12 April : Pamaréntah India ngumumkeun aktor Bollywood, Pran, salaku jawara Anugrah Dadasaheb Phalke 2012.
• 9 April: 5 pasukan panjaga karapihan PBB jeung 7 pagawé sipil ditelasan di Jonglei, Sudan Kidul, ku pemberontak.
• 9 April: Saeutikna 37 urang maot sarta 850 urang karaheut dina lini skala 6,3 di Iran.
• 9 April: Saurang jalma mawa bedil nelasan 13 urang di désa Velika Ivanča, Sérbia.
• 8 April: Tilas Perdana Mentri Britania Raya Margaret Thatcher maot dina yuswa 87 taun.
• 7 April: Filip Vujanović kapilih deui minangka Présidén Monténégro.
• 6 April: Di balap kuda, Auroras Encore meunang Grand National.
• 4 April: Langkung ti 70 urang maot dina ambrugna hiji wangunan di Thane, India.
• 3 April: Saeutikna 50 urang maot dina caah akibat hujan nu panggedéna nu pernah kacutat di La Plata jeung Buenos Aires, Argéntina.