Товус

Товус
Табақабандии илмӣ
рутбаҳои мобайнӣ Домен: Эукариотҳо Силсила: Ҷонварон Зерсилсила: Эуметазоён Бе ранг: Дутарафа-симметриҳо Бе ранг: Думдаҳонон Тип: Хордадорон Зертип: Сутунмуҳрадорон Инфратип: Ҷоғдорҳо Забарсинф: Чаҳорпоён Синф: Парандаҳо Зерсинф: Neognathae Қатор: Мурғшаклҳо Оила: Тазарвиҳо Зероила: Тазарвиҳо Ҷинс: Товус
Номи байнулмилалии илмӣ
Pavo Linnaeus, 1758
Навъҳо
Pavo cristatus Pavo muticus
Сомонашиносӣ дар Викигуна Тасвирот дар Викианбор ITIS   176112 NCBI   9048 FW   114654

Товус, мурғи биҳишт (Pavo Linnaeus, 1758) — як навъ мурғи зебост аз оилаи тазарвиҳо. Ду гунаи товус (муқаррарӣ — Pavo cristatus ва кабудбол — Pavo muticus) маълум аст.

Тавсифот

Товуси муқаррарии нарина хеле хушранг аст; дарозии танаш 100—125 см, думаш 40—45 см. Парҳои болои думаш (калал), ки онҳоро иштибоҳан дум меҳисобанд, хеле дарозанд (120—130 см) ва «чашмакҳо»-и базеб доранд. Вазнаш 4—4,25 кг. Сар, гардану қафаси синааш кабуд, пушташ сабз, шикамаш сиёҳ. Товуси модина нисбатан хурдҷусса буда, парҳои дароз надорад. Ба монанди товуси нарина хушранг нест. Дар нимҷазираи Ҳиндустон ва ҷазираи Шри-Ланка маскун аст. Товуси кабудбол хушрангу зебост. Товусҳои наринаву модина аз ҷиҳати ранг ба ҳам хеле монандавд. Дар Ҳиндухитой, Малакка ва Суматра вомехӯрад. Товус дар буттазор ва соҳили дарёҳо зиндагӣ мекунад. Дар замин лона месозад ва 5—6-то тухм метузорад. Товуси модина баъди 27—30 рӯз чӯҷа мебарорад. Асосан нармбаданҳо (моллюскҳо), ҳашарот ва рустаниро мехӯрад. Товус дар байни мардуми Шарқ аз қадим машҳур аст. Товус дар Ҳиндустон қисман хонагӣ шудааст.