Nuakchot

Nouakchott Nwakcoṭ (Berber) ناكشواط (Arabe)
Tanaw ng Lungsod ng Nouakchott
Nouakchott Mapa ng Mauritania na ipinapakita ang Nouakchott Nouakchott Nouakchott (Aprika) Nouakchott Nouakchott (Daigdig)
Mga koordinado: 18°6′N 15°57′W
Bansa	Mauritania
Distritong kabisera	Nouakchott
Pamahalaan
• Alkalde	Maty Mint Hamady (2014 -)
Lawak
• Kabuuan	1,000 km2 (400 milya kuwadrado)
Taas	7 m (23 tal)
Populasyon  (Senso ng 2013)
• Kabuuan	958,399
• Kapal	960/km2 (2,400/milya kuwadrado)

Ang Nouakchott ( /nwɑːkˈʃɒt/; Arabe: نواكشوط‎; Berber: Nwakcoṭ, orihinal na hinango mula sa Berber na Nawākšūṭ, "lugar ng mga hangin") ay ang kabisera at ang pinakamalaking lungsod ng Mauritania. Ito ang isa sa mga pinakamalaking lungsod sa Sahel. Nagsisilbi ang lungsod bilang ang administratibo at ekonomikong sentro ng Mauritania.

Isang katamtamang laki na nayon ang Nouakchott na may maliit na kahalagaan hanggang noong 1958, nang pinili ito bilang ang kabisera ng sumilang na nasyon ng Mauritania. Dinisenyo ito na tumanggap ng 15,000 katao, subalit ang tagtuyot at dumadaming desertipikasyon simula pa noong dekada 1970 ay nagdulot sa pag-alis ng maraming bilang ng mga taga-Mauritania na piniling manirahan sa Nouakchott. Nagdulot ito ng malawakang paglago ng urbanong lugar at pagsisikip, kasama ang pagkaroon ng lungod ng opisyal na populasyon na bababa lamang sa isang milyon noong 2013. Tumira ang mga muling nanirahan sa mga pook ng mga dukha na nasa ilalim ng mahirap na kondisyon, ngunit bumuti naman ang kondisyon ng pamumuhay sa isang bahagi ng mga nanirahan simula noon.