Pitaya

Pitaya na ibinenta sa isang palengke sa Chiayi, Taiwan

Ang pitaya o pitahaya ay bunga ng iba't ibang uri ng kakto na katutubo sa rehiyon ng timog Mehiko at sa mga baybaying Pasipiko ng Guwatemala, Kosta Rika, at El Salbador. Itinatanim ang pitaya sa Silangang Asya, Timog Asya, Timog-silangang Asya, Estados Unidos, Karibe, Australya, Brasil, at sa mga tropikal at subtropikal na rehiyon ng mundo.

Karaniwang tumukoy ang pitaya sa prutas mula sa saring Stenocereus, habang tumutukoy ang pitahaya o dragon fruit sa prutas mula sa saring Selenicereus (dating Hylocereus), na kapwa nasa pamilyang Cactaceae. Ang karaniwang pangalan nito, mula sa Ingles – dragon fruit – ay hango sa malakatad na balat at makaliskis na tulis-tulis sa labas ng prutas. Depende sa baryante, maaaring matamis o maalat ang laman ng prutas, at maaaring pula, puti, o dilaw ang kulay nito.

Galeriya

• 
  "Puno" ng pitaya
• 
  Pitayahan sa Pulo ng Naozhou
• 
  Pamulaklak sa gabi
• 
  Dilaw na S. megalanthus
• 
  Pulang S. costaricensis
• 
  Jus buah naga, katas ng muradong pitaya, Indonesya
• 
  Mga pula, dilaw at puting pitaya
• 
  Bestida para sa sayawing pambayan na tinatawag na Flor de Pitahaya "Bulaklak na Pitahaya" mula sa Baja California Sur na itinanghal sa Museo de Arte Popular sa Lungsod ng Mehiko