Pumunta sa nilalaman

Tianwen-2

Mula sa Wikipedia, ang malayang ensiklopedya

Ang Tianwen-2, na dating tinawag na ZhengHe, ay ang binabalak na proyektong pangkalawakan ng Tsina kung saan tatangkaing kumuha ng ilang piraso ng isang asteroyd at gagalugarin din ang isang buntala.

Ang proyekto sa pangkalahatan

[baguhin | baguhin ang wikitext]

Sa taong 2025 balak ilunsad ang Tianwen-2[1]. Gagamit ito ng enerhiyang solar-dagitab bilang pampagalaw sa paglalakbay nito patungo sa asteroid na 469219 Kamoʻoalewa at ang buntalang 311P/PANSTARRS[2]. Tatagpuin ng sasakyang pangkalawakan na ito ang Kamo'oalewa at magsasagawa ng mga obserbasyon habang umiikot dito bago ito lalapag sa ibabaw ng nasabing asteroid upang mangolekta ng 100 g (3.5 onsa) ng lupa[3]. Isang munting tagapag-inog at maliit na tagalapag ang ipapadala rin upang magsagawa ng pagmamasid kaugnay ng pagkuha ng muwestra sa asteroyd at gagamit din ng pampasabog upang malantad ang mga bolatayl na maaaring nakakubli sa ilalim at nang matayag ng mga instrumento nito[4].

Matapos nito, maglalakbay pabalik sa daigdig ang Tianwen-2 upang ihulog ang kapsulang naglalaman ng lupang kinuha nito at sasailalim sa isang maniobra na magtutulak dito patungo sa planetang Marte, na siya namang maghahagis ng sasakyang ito patungo sa buntalang 311P/PANSTARRS[5]. Magsasagawa ng remote sensing at pagsusukat sa buntalang ito sa loob ng di bababa sa isang taon[6].

Ang naunang pangalan ng misyon na ito ay halaw mula sa pangalan ni Zheng He, isang manlalakbay ng dinastiyang Ming noong ika-15 dantaon.

Kasaysayan

[baguhin | baguhin ang wikitext]

Noong 2018, nagpanukala ng mga misyong pangkalawakan ang mga mananaliksik ng Akademya ng Agham ng Tsina (AAT) [7] kung saan kasama sa mga tinukoy ay ang isang misyong kaugnay sa pagsisiyasat ng isang asteroyd na balak ilunsad sa pagitan ng mga taong 2022 hanggang 2024.[8][9] Pagsapit ng tagsibol ng taong 2019, nagsimulang mangalap ng mga mungkahing instrumentong maaaring maisakay ng Tianwen-2 mula sa iba pang panig ng daigdig ang Pambansang Tanggapang Pangkalawakan ng Tsina (PTPT) matapos nitong mabuo ang banghay ng isasagawang misyon.[10][11][12]

Mga kasangkapan

[baguhin | baguhin ang wikitext]

Ilalakip sa Tianwen-2 ang ilang iba't ibang uri ng instrumento, kasama na ang mga kamerang de-kulay, multispektral, at may malawak/makitid na salikop; isang espektrometrong susukat sa tumatagas na init mula sa asteroyd at buntala; isang tagalitratong espektrometrong tututop ng habang-alon ng ilaw na nakikita ng mata hanggang sa habang-alon na malapit sa infared; isang espektrometrong susukat sa mga tumbasan ng mga dagipik; isang tagasukat ng lakas ng magnetismo; at isang tagasuri ng alikabok at mga butil na mayroon o walang kargang dagitab.[13][14]

Mga sanggunian

[baguhin | baguhin ang wikitext]
  1. ↑ Jones, Andrew (2022-05-18). "China to launch Tianwen 2 asteroid-sampling mission in 2025". Space.com. Sinipi 2022-07-31.
  2. ↑ Gibney, Elizabeth (30 Abril 2019). "China plans mission to Earth's pet asteroid". Nature. doi:10.1038/d41586-019-01390-5. PMID 32346150. S2CID 155198626. Sinipi 4 Hunyo 2019.
  3. ↑ 赵志军、全齐全、潘博、危清清、赵京东. "多臂协作式小天体附着取样机器人机械系统". 哈尔滨工业大学. Sinipi 2022-01-20.
  4. ↑ Jones, Andrew (2022-05-18). "China to launch Tianwen 2 asteroid-sampling mission in 2025". Space.com. Sinipi 2022-07-31.
  5. ↑ "China invites world scientists to explore asteroid, comet together". Xinhua. 18 April 2019. Inimbak mula sa orihinal Abril 18, 2019. Sinipi 4 June 2019.
  6. ↑ Zhang, Xiaojing; Huang, Jiangchuan; Wang, Tong; Huo, Zhuoxi (18–22 Marso 2019). ZhengHe – A Mission to a Near-Earth Asteroid and a Main Belt Comet (PDF). 50th Lunar and Planetary Science Conference. Sinipi 4 June 2019.
  7. ↑ Xu, Lin; Zou, Yongliao; Jia, Yingzhuo (2018). "China's planning for deep space exploration and lunar exploration before 2030" (PDF). Chinese Journal of Space Science. 38 (5): 591–592. doi:10.11728/cjss2018.05.591. Sinipi 4 Hunyo 2019.
  8. ↑ "China outlines roadmap for deep space exploration". SpaceDaily. 26 Abril 2018. Sinipi 4 Hunyo 2019.
  9. ↑ Wang, F. (27 Hunyo 2018), "China's Cooperation Plan on Lunar and Deep Space Exploration" (PDF), Sixty-first session (2018) of the Committee on the Peaceful Uses of Outer Space, UNOOSA, sinipi 4 June 2019.
  10. ↑ Zhang, Xiaojing; Huang, Jiangchuan; Wang, Tong; Huo, Zhuoxi (18–22 Marso 2019). ZhengHe – A Mission to a Near-Earth Asteroid and a Main Belt Comet (PDF). 50th Lunar and Planetary Science Conference. Sinipi 4 Hunyo 2019.
  11. ↑ Gibney, Elizabeth (30 Abril 2019). "China plans mission to Earth's pet asteroid". Nature. doi:10.1038/d41586-019-01390-5. PMID 32346150. S2CID 155198626. Sinipi 4 Hunyo 2019.
  12. ↑ "China invites world scientists to explore asteroid, comet together". Xinhua. 18 Abril 2019. Archived from the original on Abril 18, 2019.Sinipi 4 Hunyo 2019.
  13. ↑ Zhang, Xiaojing; Huang, Jiangchuan; Wang, Tong; Huo, Zhuoxi (18–22 Marso 2019). ZhengHe – A Mission to a Near-Earth Asteroid and a Main Belt Comet (PDF). 50th Lunar and Planetary Science Conference. Sinipi 4 Hunyo 2019.
  14. ↑ "China invites world scientists to explore asteroid, comet together". Xinhua. 18 Abril 2019. Archived from the original on Abril 18, 2019.Sinipi 4 Hunyo 2019.
Kinuha sa "https://tl.wikipedia.org/w/index.php?title=Tianwen-2&oldid=2116454"