Pālasi
ʻOku lahi ʻa e ngaahi ʻafioʻanga (nofoʻanga ʻo e tuʻi) ʻi Tongá ni, ʻoku ʻi ai ha pālasi ʻi he ngaahi ʻotu motu kotoa pē. ʻA ia:
- pālasi ʻi Kolomotuʻa Nukuʻalofa
- ʻi Fuaʻamotu (Tongatapu)
- Kauvai ofi ki Longoteme
- Liukava ʻi Kolovai
- Tufumāhina ʻi he vaeua ʻo Koloua mo Pea tafaʻaki fangaʻuta
- Vila (lea fakapilitānia: villa) ʻi Matakiʻeua, ʻi he vaeua ʻo Koloua mo Pea, langa 1990
- Tauʻakipulu ʻi Lifuka
- Fangatongo ʻi Talau
- ʻi Taʻanga ʻEua
- ʻi Hihifo Niuatoputapu
- ʻi Angahā Niuafoʻou
Ka ko e pālasi moʻoni, ko e pālasi ʻi Nukuʻalofa (Kolomotuʻa) ia, langa ʻe Tāufaʻāhau I ʻi 1867. ʻOku tapu ʻaupito ʻa e ʻafioʻanga, ʻa ia ʻoku lahi hono hingoa fakaheliaki:
- Loto ʻā
- ʻĀ maka
- Fangatapu (ko e matātahi)
- Hangai Tokelau (ko e fuʻu ʻakau ʻofi ki he peito)
Ko e ʻāmaka motuʻa naʻe tapu ʻaupito, naʻe ʻikai ha tokotaha fakatoʻotoʻa ʻo tangutu ʻi ai. Ka naʻe ʻikai tui ki ai ʻa e tuʻi ʻi 1990, pea naʻe langa ʻa e ʻa taiamoni foʻou. Pea naʻe fakamālohiange ʻa e ngaahi matapā ʻi 2000. Naʻe tui ʻoku teʻeki feʻunga ia, ʻa ia ko e langa ʻo e ʻā foʻou, māʻolunga ange, ʻi he 2010.
